錢歹趁。囝細漢

蕃薯 toè 天龍，無咱來重新做番

2011-07-29T19:46:00.006+08:00

Thianlêng lâng kóng in íkeng bô iusè, in sī sèsèsiaⁿ teh kóng. Sànchiah Ō·'á sī toāsiaⁿ teh kóng. Tionghoâ phài ê Hâncî sī kóng liáu goá m̄ cai in sī teh lémāu ahsī ciâⁿsi̍t sìn he, táⁿ in ū kihoē cē tio̍h koân'ūi, he sī ū iáⁿ. Tâi'oân phài ê Hâncî cin cē sī tiāmtiām m̄ káⁿ kóng saⁿh, káⁿ kóng ·ê toāpō·hūn kóng bē chengchó, ìsek hêngthài līlī laklak ·ê, káná thihsutlá teh toè Tionghoâ phài ê hipcio̍h, koh chanchiūⁿ pahgō· tang cêng ê có·kong, Bêng Cheng hun boē cheng, kanna liáukái "gún sèⁿ Tân, sèⁿ Lí ·ê lóng khì sí" (... taⁿ sèⁿ Lí ·ê = aLa̍kgá). Goá siūⁿ lóng bô.

Toà Bílētó nn̄g tang, hit cūn goá ê "co̍kkûn tē'ūi" tē it koân, Lâm'iûⁿ ê kanglâng, sinniû, hō·sū t.t. tē'ūi siōng kē, goá cū kutchoé-té liáukái kóng m̄bián chap ·in, beh chap ·in mā "bô thótòng". Soá khìkàu Thôhn̂g, sìpiⁿ lóng sī Lâm'iûⁿ lâng, in ū kúilo̍h kái ioh goá mā sī, goá kámkah cin simsek, khósioh goá bēhiáu kóng in ê oē, só·'í kinnî ciah lâi o̍h Oa̍tlâm'oē, Thàigí, Málai'oē (= "Ìnnî'oē"). Āucoā tńgkhì Bílēsū, bē giàn chap hiah'ê Tionghoâ lâng ·a.

제음是「嘉州阳光」（ce m̄ sī "Kaciu Iôngkong"）

2011-01-22T15:44:00.003+08:00

無 no͘！Ce 是美麗島嘉義兮好天。
Bô no͘! Ce sī Bílētó Kagī ê hóthiⁿ.

南海「正」好天

2011-01-20T19:43:00.006+08:00

來遘暹邏申請 TRUE 兮手機仔服務了後，手機仔兮画面変甲加真媠。
Lâi kàu Siâmlô sinchéng True ê chiúki'á ho̍kbū liáu'āu, chiúki'á ê oēbīn piàn kah kecin súi.

有一種歹鬥陣兮感斍...

2010-12-24T10:56:00.002+08:00

Ū ci̍t cióng pháiⁿ tàutīn ê kámkak...

台北城热天兮暗頭아

2010-11-18T02:22:00.002+08:00

Tâipak siâⁿ, joa̍hthiⁿ, ê àmthâu'á.

thô'áhûiⁿ ê kiùhō͘chia

2010-11-13T22:06:00.004+08:00

Kuikang, teh kaiⁿ, soah koh khoaⁿkhoaⁿ'á sái. Ū lō͘, thang chiúⁿ, bô beh chiúⁿ, káná bô iàu bô kín. Kîthaⁿ, ê chia, bô siám, bô niū, káná bô tāi, bô cì. Kèngchat, bô teh kā in khui hoa̍ttoaⁿ. Kiùhō͘chia, tō khoaⁿkhoaⁿ'á sái, káná bô iàu bô kín, lê'á, to̍h.. leh cē tī hia, that kah bē tin bē tāng. Būntê, chut tī tó?

東歐洲兮「洗車西施」

2010-11-10T22:29:00.004+08:00

Soah m̄ cai Ló͘si'ā lâng. chia. sī ánne. sé.. ê!

煞毋知魯斯也（俄）人車是咹呢洗兮！

“得敨” 佮 “家己做主” (“tit tháu” kah “kakī cò cú”)

2010-10-20T15:34:00.013+08:00

XX hiaⁿ.
XX 兄.

Tián Lut'iā. (Dane Rudhyar) i tō císī kóng pak Auciu. gíhē. só͘ kóng. ê "freedom" kah Lateng. gíhē. só͘ kóng. ê "liberdade" khêngsi̍t. ū bô kâng..tio̍h. "Liberty" ìsù. sī "bô khihhō͘ pa̍tlâng. la̍k tiâu. ah pa̍k tiau." "Freedom" ê ìsù. mā ū paukoah he. m̄ koh lāité. koh kiôngtiāu ci̍t cióng "bô siū tio̍h cūkí. ê hāncè." ê ìsù.

Tián Lut'iā. (Dane Rudhyar) 伊就指示講北歐洲. 語系. 所講. 兮 "freedom" 佮拉丁. 語系. 所講. 兮 "liberdade" 窮実. 有無仝..着. "Liberty" 意思. 是 "無乞與别人. la̍k 椆. 抑縛椆." "Freedom" 兮意思. 嘛有包括 he. 毋擱內底. 擱強調一種 "無受着自己. 兮限制." 兮意思.

http://www.psu.com/How-to-score-in-Grand-Theft-Auto-IV--a0003563-p2.php

Hàn kho͘'á. ê "cū'iû." ná chinchiūⁿ sī pah goā tang. ílâi. ciah khaisí ū lâng teh kóng..ê. Hàn kho͘'á. ê kó͘cá cheh. náchiūⁿ kinpún. tō bô "freedom" cit ê khàiliām. M̄ koh Ho̍hló oē. ê "tit tháu." "tháupàng." náchiūⁿ ū khah sêng.

漢箍囝. 兮 "自由." ná 親像是百外冬. 以來. ciah 開始有人咧講..兮. 漢箍囝. 兮古早冊. ná 像根本. 就無 "freedom" cit 兮概念. 毋擱鶴佬話. 兮 ê "得敨." "敨放." ná 像有卡 sêng.

Kóng tio̍h sūgia̍p siōng. ê cū'iû. Lut'iā. ê tiōngtiám. sī. hit ê cū'iû. sī chiútoāⁿ. niā'ā. m̄ sī bo̍ktek. Phó Bulánsūn. (Po Bronson) cit cāmmá. mā ū siá ci̍t phiⁿ bûnciuⁿ. kóng chut sio siâng. ê koantiám. Goá ci̍t lō͘ lâi. tiāⁿtiāⁿ kā cū'iû. tòngcò sī bo̍ktek. m̄ koh khoàⁿ in ánne. siá. goá cai'iáⁿ in kóng..ê ciah sī tio̍h..ê. Cū'iû. sī chiútoāⁿ. niā'ā. lán lēnggoā. ài ū bo̍kphiau. kah líliām. ánne. lán cū'iû. ciah ū ìgī.

講着事業上. 兮自由. Lut'iā. 兮重点. 是. hit 兮自由. 是手段. 若定. 毋是目的. Phó Bulánsūn. (Po Bronson) cit 暫囝. 嘛有寫一篇文章. 講出 sio siâng. 兮観点. 我一路來. 定定 kā 自由. 当做是目的. 毋擱看 in 咹呢. 寫. 我 cai 影 in 講..兮 ciah 是着..兮. 自由. 是手段. 若定. 咱另外. 愛有目標. 佮理念. 咹呢. 咱自由. ciah 有意義.

Lí ê pêng'iú. só͘ kóng..ê hâm goá cit nn̄g nî. só͘ tha̍k..tio̍h só͘ khoàⁿ..tio̍h..ê lóng kài bā.

汝兮朋友. 所講..兮含我 cit 两年. 所讀..着所看..着..兮攏介 bā.

Goá mā sī teh siūⁿ. sîtāi. bô kâng. ài chutlâi kakī cò thâuke. Bēhiáu bē mi̍hkiāⁿ. oânná ài o̍h. Gō͘ tang cêng. goá sī pah-hun-ci-pah. oânkang. ê simthāi. taⁿ. goá ū saⁿ pha. gō͘ pha. beh cò thâuke. ê simthāi. ài koh choē tio̍h ci̍t ê ūi. lâi "thoā senglí." Mā cin himsiān lín cū cá. tō khaisí teh cò senglí. ê sianpái!

我嘛是咧想. 時代. 無仝. 愛出來家己做頭家. Bē 曉賣物件. 還囝愛斈. 五冬前. 我是百分之百. 員工. 兮心態. taⁿ. 我有三 pha. 五 pha. 欲做頭家. 心態. 愛擱 choē 着一兮位. 來 "thoā 生理." 嘛真欣羨恁自早. 就開始咧做生理. 兮先輩!

Goá koh ū teh siūⁿ. tī cit ê khoânkéng. "mi̍hkiāⁿ." jú lâi. jú pháiⁿ bē. in'ūi līsûn. ná lâi. ná po̍h. "sin chiú." lâikàu chītiûⁿ. íkeng kheh bē lo̍h..ì. Sinchiú. ài bē ho̍kbū. kah khàiliām. ánne. ciah sī lō͘. Ah lâi. in'ūi khoki. ê koanhē. cin cē khahcá. sǹg cò sī "cāitē." ê ho̍kbū. taⁿ. cimmá. ēsái siau kah háigoā. ahsī kui ê thiⁿkha'ē.

我擱有咧想. 佇 cit 兮環境. "物件." 愈來. 愈歹賣. 因為利純. ná 來. ná 薄. "新手." 來 kàu 市場. 已経 kheh bē 落..去. 新手. 愛賣服務. 佮概念. 咹呢. ciah 是路. 啊來. 因為科技. 兮関係. 真 cē 卡早. 算做是 "在地." 兮服務. taⁿ. cimmá. 會駛銷及海外. 抑是規兮天骹下.

เบ่ไซ้โก้ะเก้โซิกเจิ้ะนิะอั้า๐ฆุ่น

2010-09-18T23:27:00.000+08:00

ซิอ๊นจั๊า๐ปุ๊นฮัานต่ากกางโล้งเจิ้ะนิะอั้า๐ฆุ่น อ๊านเนเบ่ไซ้ อิ๊ึตติ่งไอ้สุยไก๊ ลึ้เทิา๐อุ่โบ๋!

หน่าสิ่บิ๋นอ๊าไจ้ฆิ้ไหลเบิ๊ยนโก้ะตั่าจิะ

2010-09-15T23:31:00.001+08:00

ตั่าจิะจิ๊ตเอ๋บุ่นเต๋สิตไจ่ห่อหลางจินหัานโล้ ฌุตฆิ่หคั่าเฆ่าก๊าะหลางจิ้ะเจิ๊ยป อิ๊งๆอ่มไจเอิ๊ย๐ตางสิโก้ะเอ่โก๊งเอั่โก๊งเบ่ฌุต กากิ่กานฆ้อ เทิย๐เอ๋หลางหม่ากานฆ่อ กุยเอ๋ฆิ่หุ่นจุ่อ๊านเนเปิ้ยนกิ๊นติว๐ฆิ่ อ๊าะอสิมไลหน่าชุ้เกิย๐โก๊งเอั่โก๊งเบ่เลิ่ยนต๊ง บุ่นเต๋โติ่ชุ้ตั้า๐ชุ้ไห่

เอ่กิ้ติ๊ตจ่าปดสา๐สิ้เหั้ฮิตจุ่น หลานเจิ๊ยวสุยสิโล้งเอ่ฌิ่ง อุ่สิจุ่นอสิมไหล่จินเกิย๐เอ่ฆิ่ะห่อสิ้ปิ๐เอ๋หลางฆัา๐กิ้๐ อ่มโก้ะสั้าะโบ๋ไฌ้กาง ชุ้หัานโล้อิโติ่ชุ้ไอ้ฉิ้ง ฉิ้งฆิ้ไหลหนาชุ้สิ่ว๐ อิโติ่ชุ้เบ่โก้ะล้ง ฮิตจุ่นเกั้โติ่ะจินเกิย๐ไพ้๐เส้เอ๋หชิตจิ๊ อ่มโก้ะกุ๊ยโหละตางอิ๊ไหล่จุ่เหชิยนโติ่โฮ้อา ตา๐คั้าหม่าสิ่เต๊ะสิ่ว๐ หั่านเส้ตั่าจิะโตตั่าจิะ เบิ๊นเกหัานโล้ ต๊านอิจุ่เหชิยนต๊งโฮ้

โถอ๊าหงหลางกิเฌิยออเปะเขิย

2010-09-12T23:32:00.002+08:00

โถอ๊าหงหลางเขิยกิเฌิยโล้งออเปะเขิย ฆั่า๐โติะหลางเต๊ะเกิ๋ย๐โต้งโจ้ก๊านอ๊อฆั่้า๐โบ๋หลาง ค้านโติบุ๋หชิน เจิ๋ย๐เฆิ่ยมพ่าะ คั้าอิ๊กิงกุ๊ยโหละไป๊เฮิ้ยมอ๊าฆิ่ะห่อหลางโล่งโต๊ฆิ่ ฆ้อโบ๋ทางไผ๐จิตกิฉาอ๊าจุ๊นปิ่เอ่าไป๊เอ่ไอส๊ก่าอินเหสิยวโหละฆิ่

越南人一月日趁쫘제？（越南人一月日趁 joā cē）

2010-03-05T01:46:00.008+08:00

頂 kái tī 越南峴港（越：Dànẵng）含一 ê 朋友開講講着越南在地薪水 ê 水準，伊講，tī Sāigòng（越：Sàigòn），做接待 ê 櫃台小姐一月日会 tàng 趁差不多 1,500,000 盾（tūn）= TWD 2500 = CNY 530 = MYR 260。

Nā 有大學畢業会 tàng 趁 khah cē，第一年每月日会得領差不多 2000000 kàu 2500000 盾。

本番 ê cit 位朋友 ê 女朋友今年三十歲左右，伊一月日趁差不多 4000000 盾（免家己算，看下 kha tō 好）。本番問：伊是 teh 做 saⁿh 款 senglí，本番 ê 朋友講：無，伊是 teh 食人 ê 頭路。食 saⁿh 頭路？伊 toà 酒家 kā hiah'ê 陪酒 ê cabó͘ gínná 煮菜！In nā 心情 bēbái tō seh 大條錢 hō͘ 伊！

koh ū. chi̍h ce..lah!

頭路 / 背景	利路（盾）	每	CNY	MYR	PHP	TWD
櫃台小姐	1500000	月	530	260	3600	2500
大學畢業	2500000	月	880	440	5900	4100
好利路！	4000000	月	1400	700	9500	6600
陪酒女（下）	500000	日	180	87	1200	830
陪酒女（súi ê）	1000000	日	350	170	2400	1700
趁食 cabó͘（下）	150000	点鐘	53	26	360	250
趁食 cabó͘（高級）	500000	点鐘	180	87	1200	830
「機車女」	500000	暝	180	87	1200	830

表頂 ê 資料讀讀 tō cai ah，hoānsè 本番 kanna 着解說「機車女」是 saⁿh。In tō 是 hiah'ê 頭鬃長 koh 烏、騎一台 o͘tóbái tī 市區 siâⁿ 人客兄 ê 趁食小姐，聴講普通時 in lóng 有 khah「熟」，三十外 ah 是 tehbeh 三十，算做是 khah 有歲 ê。

表頂 ê 陪酒女（越：bia ơm）是陪人客 lim 酒、唱歌 ê niā'ā，m̄ koh in nā beh 提供進一步 ê 服務，機会免驚無。聴講 ciah'ê 陪酒女大部份 oânná bē 変好額，因為 siuⁿ gâu 開錢，開了了 koh 借重利，今 táⁿ 日借一千萬，後個月還 1200 萬。

以上 lóng 総是 Sāigòng ê 行情，ahnā 庄 kha 艸地，錢定着無 hiah 好趁。Ah 汝 nā 過幾 nā 月日 ciah 來讀 ce，hoānsè 越南人 ê 薪水已經 koh 起 kah m̄ cai 人去 ah。

越南歌手디（tī）枋桥演唱迎接虎年

2010-02-01T14:44:00.007+08:00

十二月十七号（2010-1-31）tī 美麗島台北県枋桥市（台湾板桥），慶玉（Khánh Ngọc）及俊興（Tuấn Hưng）參加演唱「大楽会」迎接庚寅（Keⁿ În）年，想 bē kàu 観众 soah 会 ciah cē 人。Ciah'ê 相片 iáu sa 無 he 場面是 áncoáⁿ，枋桥車站 hia hit cūn 四界 lóng sī 越南人。希望越南文化 tī 美麗島会 tàng「一暝大一寸」。多謝「翱翔燕兒」hip ciah'ê 相片。

Koh 有相片：

http://album.udn.com/seabird74/236109

資料 kah 討論：

http://seeviet.net/bbs/viewthread.php?tid=9493&fromuid=1

http://www.abubook.com/html/modules/newbb/viewtopic.php?topic_id=1840&forum=8

越南峴港：清蘭客棧

2010-01-27T03:32:00.001+08:00

電話：+84 511-3538227

榜價
類房	面積	数房	價錢
房単	15m²		200000
房単	15m²		180000
房対	20m²		200000
房対	20m²		190000
房対	45m²		250000

泰京빵곡에오더빼（泰京 Bāngkok ê o͘tóbái）

2010-01-10T15:50:00.002+08:00

제시심乜城市？（Ce sī símmih 城市）

2009-11-08T16:34:00.007+08:00

汝 kám ioh 会着？

南国一日一句話：「도롱愛聯絡我」（To͘lóng ài liânlo̍k goá）

2009-10-08T21:07:00.005+08:00

前幾工 tng 着一 tah 用 hōló 話寫 ê bôlo̍k（网誌），作者 sī Málai'iá Pin'nn̂g 嶼 ê 人，題目 to̍h sī Pin'nn̂g 嶼 ê「福建話」：http://www.penangdialects.com/。

有两点 tī Málai'iá 算真特别，to̍h sī cit ê 作者 m̄ nā bat 漢字，伊 koh 会曉 the̍h 漢字來寫 hōló 話。Koh 伊 the̍h lômá 字（伊所講 ê「紅毛字」）teh 寫 hōló 話 ê 時，伊拼 tàu ê 方式 kài 統一。伊基本上 sī 按照 málai 語 ê lômá 字 teh 寫，m̄ sī 白話字，m̄ koh cit 两項其実真 sio 倚，mā 真倚国際音標。

因為 cit ê 作者「Kee How」実在真 gâu 寫 hōló 文，hoānsè koh 因為伊已經 tī 下門 toà 一 cām ah，所以伊寫 ê 文章 lán Tâi'oân cit pêng ê 人生成 to̍h 会看有，本番免 kā 逐 ê 解說。独独有一寡語詞 Tâi'oân 人 nā 頭 pái tú 着難免讀 kah 霧 sàsà ê，譬喻：

「度攏」
＝「to͘lóng」＝拜託、tàu saⁿ 共、救命（siōng 無 tī málai 話內底有所有 ciah'ê 意思）... 着 lah，ce ùi málai 語來，原文 sī「tolong」。

「焦比」
＝「tapí」＝総 sī、m̄ koh... Ce mā sī ùi málai'á 話 hiaⁿh 來 ê，原文 to̍h sī「tapi」。

「庇能」
＝「Pineng」＝Pin'nn̂g 嶼... Ce sī 一種 khah 古早 ê 在地漢文寫法，看款 kiámchái siōng 早 sī 潮州人 kā 寫 ánne，因為「能」sī 阳平聲（第五聲）ê，tú 好潮州話 ê 阳平聲 sī koân koh 平。

「伊儂」
＝「ilâng」（ahsī「ilang」，本番 iáu m̄ cai）＝in... 潮州話 kah 真 cē 所在 ê hōló 話 lóng ánne 講 ê。

「哈物」
＝「hámi̍h」（聲調無 kài 確定）＝siaⁿhmi̍h... Ce sī 正港 ê 閩南話無 m̄ 着，m̄ koh tī Tâi'oân 無人 ánne 講。

Cit ê 作者実在不 lí'á 特别，伊本來真骨力想 beh 発展一套 lômá 字來寫 in hia ê hōló 話，m̄ koh citmá 伊顛倒感覺 the̍h「唐人字」來寫 hōló 話比 lômá 字 kohkhah 適当，伊 ê cit ê 想法有記載 tī cia：http://www.penangdialects.com/?p=21。甚至 taⁿ 伊 beh choē 適当 ê 漢字來寫 Pineng ê hōló 話內底 ê malái'á 話！Hit ê 想法有記載 tī cia：http://www.penangdialects.com/?p=26。

無論 lán sī 同意 ahsī 無同意伊 ê ciah'ê 想法，本番相信 lán 着 phah pho̍kgá kā 鼓勵，伊実在足有才情及志気！

韓国字嫁호鐵島에쟈쟈人（韓国字嫁 hō͘ 鐵島 ê ciacia 人），去南海做新婦

2009-08-09T19:57:00.018+08:00

Bau Bau 市政府已經 tī 今年七月開始 chuisak 一種用朝鮮諺文寫 ê ciacia 文（바하사 찌아찌아）。Bau Bau tī Butung 島，ah Butung 島 sī Ìntō͘nísī'ā Sulawesi（鐵島）ê 離島。Ciacia 語 sī ciacia 人 ê 族群 á 話，聴講 ciacia 人 koh lóngmā 会曉講 wolio 語及 málai 話。Wolio 語 sī Butung 島 hia ê 共通話，málai 話 sī Ìntō͘nísī'ā ê 国語（「bahasa Indonesia」）。

Khah 早，ciacia 話及 málai 話 lóng sī the̍h alábi'iā 字來 teh 寫 ê。Tī 第二十世紀，málai 語正式 hō͘'n̂g 改做 sī 用 lomá 字 teh 寫，he 有一部分 sī 因為南洋 ê hōló 人偏偏真 thīn lomá 字、反対 alábi'iā 字。M̄ koh 聴講 ciacia 文 kàu taⁿ 已經無人 teh 书寫。聴講本成 sī 南韓国 ê 訓民正音學会落南去 kā ciacia 人 siâⁿ，kā in 介紹朝鮮諺文、kā in ko͘ciâⁿ，了後 koh kā in tàu 編、tàu 印課本，七月二十二号 tī 国校分 hō͘ 學生用。

有関 cit 層 tāicì ê 新聞及网誌（lóng eng 語 ê）：

- http://www.hani.co.kr/arti/english_edition/e_international/369998.html

- http://www.france24.com/en/20090806-indonesian-tribe-use-korean-alphabet-scholar ...（仝 ê：http://thejakartaglobe.com/home/southeast-sulawesi-tribe-using-korean-alphabet-to-preserve-native-tongue/322636 ）

- http://english.yonhapnews.co.kr/national/2009/08/06/56/0302000000AEN20090806001200315F.HTML

- http://www.koreatimes.co.kr/www/news/nation/2009/08/117_49729.html

- http://seoulvillage.blogspot.com/2009/08/hangeul-lands-in-bau-bau-indonesia-to.html

- http://www.koreatimes.co.kr/www/news/special/2009/07/178_32754.html

Cia-Cia, Bau Bau, Butonese, Butung, Sulawesi, Indonesia, hangul, Korean

廣東の景緻

2009-05-19T01:30:00.004+08:00

香港人騎 o͘tóbái（機車）ê 無 cē。M̄ koh in nā 騎 o͘tóbái ho͘ⁿh，in lóng 騎 khah 大台 ê sukhútah khah cē，車 nā tòng tiàm 外口 ê 時 koh 用車橐 á kā lom 起來。

Cit 两張相片（正 pêng 及頂 koân ê）sī toà 沙田 hip ê，he sī tī 香港 ê 新界。Sī siaⁿh lâng ciah hiâupai teh 駛 SKYLINE？

Cit 間餐庁 senglí 一定 kài 好，因為無 teh cùnbūn 日本人 ê tàu sio kēng。Ce sī tī 深圳 ê 華侨 á 城。

P.S.：심밋四百冬 ê 歷史（Símmih 四百冬 ê 歷史）

2009-05-07T22:41:00.008+08:00

Taⁿ citmá tī lán 美麗島 Tâi'oân 有 teh 時行两種上普遍 ê 歷史観，其中一類 sī hit 号五千冬版本 ê，koh 有一種 sī 四百冬版本 ê。Citmá tī Tâi'oân，人 nā m̄ sī 五千冬版本 ê，伊 to̍h ciâⁿ 可能 sī 四百冬版本 ê khah 大面。自番実在想 bē 曉，sī áncoáⁿ 逐 ê lóng 信 kah 笑 haihai ê，in 頭殼 kám lóng 紅毛塗。

五千冬版本 sī 講，「goán 中国人有五千冬 ê 歷史」。In kám sī 中国人，ce lán to̍h 先 mài cèⁿ，kahnā in 身份証有寫「中国」，koh in 心內 sī 中国人... M̄ koh hit ê 号做中国 ê 国家，kàu 一九一二年 ciah 建国 ê，甚至漢文化，先 mài 及 in 計較、究真，lán nā ùi 甲骨文 hiah 古早來算，算起來 mā kanna 三千外冬 ê 歷史。Cham 漢文化 to 無五千冬 ê 歷史，中国 sī beh áncoáⁿ？

四百冬版本 sī 講，「lán Tâi'oân 有四百冬 ê 歷史」。Tâi'oân 独立運動大部分 ê 人 lóng ánne 看法，無定着 ce sī Tâi'oân 独立運動抑未出頭天、当 teh 食屎 ê 一 ê 因端。

想看 māi：símmih Tâi'oân ê 四百冬 ê 歷史，kám 講五百冬前 toà Tâi'oân ê 人 m̄ sī 人？Kám 講「番 á」ê tāicì m̄ sī「Tâi'oân ê tāicì」？蕃薯族群 ê「Tâi'oân má」in tau ê tāicì kám m̄ sī「Tâi'oân ê tāicì」？Kám 講 ài 有唐山人過烏水溝來 Tâi'oân khah 会 tàng 有 Tâi'oân ê tāicì？

In 講「Tâi'oân 人」m̄ sī 中国人，m̄ koh in koh 講「Tâi'oân ê 歷史」sī tī 福建人來 Tâi'oân 了後 ciah 開始 ê。Ce sī saⁿhmih siâuphīⁿ！

四百冬前唐山人來 Tâi'oân，対美麗島到底 sī 好 ahsī bái？Hit cūn 唐山人 nā 無來 Tâi'oân，taⁿ lán kám 会有 cit ê 中国問題？

五千冬版本 ê 人，in 本底 to̍h 無 teh 顧真 ah 假。Taⁿ 四百年版本 ê 人，in mā toè leh hausiâu，因為 in 已經 m̄ 敢講事実。

P.S.：Phiànsiáu ê！

「轉白人：대완囝에經驗」（轉白人：Tâi'oân 囝 ê 經驗）

2009-02-03T09:12:00.035+08:00

幾 lō 工前，北 Bí 洲 hit pêng ê 朋友寫 phoe hō͘ 番，講：「今年 goán cia cit ê Tâi'oân 人團結戦綫 beh 辦一 ê 討論會，題目 sī〈Becoming Americans: the Taiwanese Experience〉。我 cai'iáⁿ ce 及汝 beh 搬轉去 Asiā ê 人 sī 無 saⁿh 合，m̄ koh citmá sī 世界村，人 ê 界定及認同無一定 sī pē 母 hō͘ lán ê...」

〈Becoming Americans: the Taiwanese Experience〉翻做 hōló 話 to̍h sī〈変做 Bí 洲人：Tâi'oân 人 ê 經歷〉，mā 会駛翻做〈変做 U.S.A. 人：Tâi'oân 人 ê 經歷〉，mā 会駛翻做〈変做北 Bí 紅毛：Tâi'oân 人 ê 經歷〉。番本來 mā sī hit pêng ê 人，番 cai，in 会 kā 汝講 in sī beh 討論変 U.S.A.（花旗 á）人 hit 層代誌。M̄ koh 変花旗 á 人本底 sī 一項考公民、the̍h 身份 ê 代誌 niā'ā。Ah in beh 講 ê「becoming Americans」絕対 m̄ sī hit phâng 考公民、the̍h 身份 ê 手續。其実 in beh 講 ê sī 一種風俗及認同 ê 轉変，to̍h sī hiaⁿh 白人 ê 衫來 chēng、煮白人 ê 飯來食、放白人 ê 歌來听、学白人 ê 腔口來講話。In teh 講 ê to̍h sī 用白人 ê 観点來讀歷史、拜白人 ê 公嬤做 lán 家己 ê 公嬤、扶紅毛 lānpha 講 he sī 種族平等。

花旗 á 国 kám m̄ sī 白人 teh 做主？

一九六〇年代 ê 烏主運動（Black Power movement）to̍h sī beh hō͘ 烏人 mā 会 tàng 做主，m̄ sī 講 kanna 烏人 khah 会 tàng 做主 hiahni̍h 壓霸 lah，意思 to̍h sī beh hō͘ 烏人、白人 lóng 家己做主 to̍h tio̍h ahlah。路尾，白人做主 ê 花旗 á 国家政府 sī 真不擇手段，決心一定 ài hō͘ cit ê 烏主運動死 kah 無聲無說。Why？

花旗 á 国 citmá ê 総統 sī 烏人、白人透濫 ê，無 m̄ tio̍h。M̄ koh 普通時，花旗 á 国 nā 無 teh 戦爭 ê 時，in 総統哪有 thang 做主？

兄姊，汝 kā 看 māi，北 Bí 洲資本界 ê 大人，有幾 ê m̄ sī 白人？

本來逐 ê lóng 講 beh tàu hoāⁿ hit 号「烏白主」運動，to̍h sī 種族平等、逐 ê 做主，kàu taⁿ iáukoh sī 白人 teh 做主，lán soah 已經听着一四界 pho̍kgá 聲，真 cē 人講北 Bí 洲 ê 種族已經平等 ah。

Lán 黃 á 人及烏人無 saⁿh kâng。Lán m̄ 免爭取種族平等 mā 会駛（ēsái）。因為 lán m̄ sī 烏人，尤其 lán Tâi'oân 人大部份 lóng 白 phauphau ê，所以 lán 会 tàng 申請 hit 号「轉（tńg）白人」ê 権利，lán nā 奈心好禮 á 等待，piàⁿ phāⁿ 紅毛七 á，choē in tàu 生 Tâi'oân 囝，後 pái lán to̍h 会変做 in ê 人，in mā 会変做 sī lán 人，逐 ê 窗 á 門緊関 hō͘ 密，做伙來 chi̍hchu̍h cit ê「烏人問題」！

王盛德生做縁投 sī 無 tè cèⁿ ê，番 bē pháiⁿ 勢寫 ce。

紅毛 ê teh 做主 to 紅毛 ê teh 做主，he mā 無要緊，番 sī beh tàu kēng hit 種「番主運動」to̍h tio̍h ahlah，無 to̍h mài 叫番 sī 番，改叫紅毛屎 to̍h 好。Lán Amélikā ê 鄉親 nā beh 去「轉」白人，he mā 據在 in 家己去 hoa̍t 落... 番 teh ioh，lán 隨時 koh 会听着 in teh khàuchan 講 he 白人 iáu kā in 当做 sī 番 á teh 處理，hō͘ in 真怨 cheh，ah 人 to 已經 ciah piàⁿ 勢 teh「become American」ah...

世界庄 to 世界庄，番 to̍h sī 世界番，汝 nā cai'iáⁿ 世界社 tī tó，後 pái lán sio 招、sio 載來去。

越南檳榔

2009-01-14T21:46:00.009+08:00

誠（ciâⁿ）久 lóng 無起來 cia 飼 cit tah 網録 ah。Cit 暫 á khah 無閒，ah 頂暫 á khah 無 thang 好起來網路。

想 beh 報逐 ê cai，越南 Sāigòng（Sài Gòn）有人 teh pō͘ 檳榔。番两禮拜前 tī Sāigòng 郡平盛（平盛郡）旅社附近市場 ê 边 á tng 着檳榔 tàⁿ，当然買幾 ā 粒來 pō͘，及 Tâi'oân ê 檳榔無 saⁿh sio siâng。Koh 有，hit ê 檳榔 tàⁿ 無 símmih 西施 teh hoāⁿ，kanna 一 ê 阿嬸／o͘básáng。

番問越南朋友 in pō͘ 檳榔 kám 有 teh kā 頭一两 chùi phùi 出來，伊講無。

港都셔閃記（Kángto͘ sio siám kì）

2008-10-17T13:42:00.025+08:00

(Haz clic aquí para leer la version castellana de este cuento -- la semana que viene.)

有一 pái ho͘ⁿh，金山番去 kàu 天下第四港深圳 choē 南島番、唐山番、蛮越番 sio 招 hâ 茶、lim 焼酒。四 ê 人 lóng tapo͘ ê。南島番及唐山番 kā 金山 ê 講，「全世界 lóng beh 過金山領 hitlō 青片（green card），等机会 gia̍h 手咒誓、変金山人，sī áncoáⁿ 独独汝 ánne『番在金山 m̄ cai 安』，起 kha to̍h soan 來 kàu 大海 ê 西 pêng 講 beh 企（khiā）cia？」

金山番講「姦，kám ài choân 一 ê 理由 hioh？Siān kah tòng bē tiâu beh 徙位...」Tú 好 hit cūn 南島番 ê 外甥 tiàm 人客庁 teh phah【GT 賽車】，賽車路頭一 pêng 山 tata，一 pêng 海深深，頂 koân 天無边無底，路边金毛 chio 母 hâ té 裙踏 koân 屐企 tiàm 棕樹 kha teh 看比賽... 油門 chui leh！內埔 iáu 有 kiáu 都 Labega teh sio 等，cán！蛮越番講「姦，目 ciu 有 peh hō͘ kim 無，金山 ánne 款仙境，siaⁿh 人放会離？人講 LA ho͘ⁿh，世間第五港，tī hia 天気好，妹 á súi，錢好 thàn，路頭闊。別人 beh 領青片領 bē 着 koh。」

金山番心肝頭 chia̍k 一下，心內 hiônghiông 想着 khah 早金山湾 ê 熱人（joa̍hlang），窗 á 外花開芳味四散，日子每日 tiⁿtiⁿ 浮浮... Beh 倒去 iáu 会赴，peh 起去飛船腹肚內睏一暝 to̍h sī，kàu 位先 mài kā 人報伊 sī 番 á，因為伊 sī 暗番 á，西裝 chēng chēng 腔口 khêng khêng，頭路 m̄ 驚 choē 無，隨時食会飽、chēng 会焼...

Oapiáng，tété ê 四五月日，想 bē kàu 金山番已經險 á bē 記得尾後 hit 段 bē 爽、tu̍hlān、bē giàn、孤単、塞車 bē 得 tháu、逐工 teh lòng 壁 ê 日子。M̄ ciah 來 tī cia kā 寫 hō͘ 坦白，後 pái to̍h mài 留戀金山留戀 kah tòng bē tiâu，無采頂回 ê 艱苦 soan 轉去 beh koh tī hia 企起。Ài 会記 leh，金山有 súi 物 mā 有 bái ê，譬喻族族 bētàng sio 濫，譬喻 tapo͘ 人 cē、cabó͘ 人看 koân m̄ 看下，譬喻黃 bah 種 ê kui 工 teh 扶紅毛 lān，thàn 錢消費支持白人 ê 媒体，翻頭 khàu 呻紅毛媒体対 in 無公平，ná khàu ná the̍h 錢 hō͘ 政府 thang 継続 thâi 外国人、積核能武器。

番無 beh koh kā 汝講 hiah'ê，kanna beh 問看汝 cai 無，第四港深圳 mā bēbái neh，雖然空気 bái，政壇假 ná 屎，官庁拗蛮禁止 o͘tóbái，m̄ koh kài 少 tī hia 族族 lóng sio chap、sio cham，社会焼 lō，cabó͘ gínná bē 嫌少，beh 轉去 Tâi'oân mā 緊緊 kàu。有緣無緣天注定，伸 ê hō͘ 咱人做咱行，有 tang 時 á 換 pênggá 來試看 māi mā bēbái。

汝감재，아샤東南빙마有無人騎오더빼에都市（汝 kám cai，Asià 東南 pêng mā 有無人騎 o͘tóbái ê 都市）

2008-10-10T17:38:00.009+08:00

Taⁿ tī 深圳及廣州 bēsái 騎 o͘tóbái，因為 in 市政府已經禁止 o͘tóbái，bēsái 賣，bēsái 買，bēsái 騎。其実已經有三五年 ah，hit cūn 有起真 cē 議論，chi̍h ce ēsái 読看 māi。

番 toà 深圳有 tang 時 á 真 bē 爽，因為 cit ê 都市空空闊闊，無車 bē khùiⁿ 活，行 sī 行 kah phùi 血 mā bē kàutè，bē 輸北 Bí 洲 hit 款 ê 城市。Beh 騎鐵馬 mā 無鐵馬道，听講 sī 因為深圳天気 siuⁿ 熱，官庁惜人民，驚人民 nā 騎鐵馬 to̍h siuⁿ 過費気。M̄ cai in cit pái sī teh kā siáng 扶 lān？

佳哉 lán iáu 有高雄及 Sāigòng（Sài Gòn / 西貢）。

대완하라話에「文」化（Tâi'oân hōló 話 ê「文」化）

2008-10-09T00:44:00.004+08:00

Cit 暫 á tī tâi 語網有人 teh 討論 hōló 話 ê cit ê「読冊音」、「白話音」ê 現像。

Tī 美麗島教育界 mā 有人 teh cèⁿ 看中学生 ài 読華語文章 khah 好 ahsī 古早漢語文章 khah 好。

番会記得，几 nā 禮拜前 tī Senggâpho͘ beh choē 郵局來寄 phoe，看着一 ê 阿伯 to̍h 問伊，「借問一下，cia kám 有一間郵局？」伊聽無，叫番 koh 講一 pái，番 koh 講一 pái，伊 oânná 聽無，番 cai'iáⁿ 伊 m̄ sī bē 暁講 hōló 話，定着 sī「iûkio̍k」伊聽 khah 無，sūi 講半句 eng 語來解說。結果郵局 choē 有着，m̄ koh 番心內 teh 想，郵局 nā 無叫做郵局 sī beh 叫做 símmih？

後來問一 ê Mâlakkah 人 in hia 郵局 beh áncoáⁿ 講，ciah cai'iáⁿ in 講「phoe 館」。

「Phoe 館」！

番感覚，ánne 講 ciah sī hōló 話。

番頂回 se̍h ùi 閩南已經発見着 in hia lóng m̄ cai'iáⁿ「便所」sī saⁿh 貨，cit 斗 m̄ ciah 順 soà 問 cit ê Mâlakkah 人，in hia 便所 beh áncoáⁿ 講，ciah cai'iáⁿ in lóng 講「chiâng 水間」。Ah 汝 nā 嫌 cit ê 講法 siuⁿ 過好聽去，koh 有一 ê 講法 to̍h sī「放尿間」。

Phoe 館、chiâng 水間，ce m̄ ciah sī hōló 話。

頂回有一 pái 及人食飯，一 ê Senggâpho͘ 人，会暁講 hōló 話，koh 有一 ê Tâi 南 Kalí 人，轉大人 ciah 離開 Tâi 南 ê，hōló 話講了 liàn 轉。番 teh 問 hit ê Senggâpho͘ 人一寡 in hia ê 話，譬喻華語 ê「辣妹」，Mâlakkah 海峽 hōló 話講「chio 母」。Hit ê Kalí 小姐 to̍h kā Senggâpho͘ 人講，「Goán Tâi'oân 話講『美女』。」

Khah 拜託 leh。番講「哪有 ánne 講 ê！」番 koh 問 hit ê Senggâpho͘ 人，in hia sī m̄ sī 有 teh 講「sibe」，做「実在有夠...」ê 意思，伊講有 ah，he 読做「síbē」，to̍h sī hit ê 意思。He 二十三歲 Tâi 南小姐 to̍h 講，「Goán Tâi'oân 話 lóng 講『非常』。」

Soà 落去有一 pái kā 一 ê Tâi'oân 朋友報講 in Mâlakkah 海峽 hia 講「phoe 館」、「chiâng 水間」，漢番两人 lóng 感覚 in 南国 ê 講法 khah 合 hōló 話 ê 語感，m̄ koh hit ê Tâi 南小姐 hit cūn mā tī leh，伊講伊感覚「郵局」講了 khah 有理路，譬喻「郵票」mā 有用着 hit ê「郵」字。

無 m̄ 着 lah，伊 sī Tâi'oân 小姐，自細漢読華語冊，轉大人 koh 読 Tâi 大 hit 款第一等 ê 学校，hōló 話講了 m̄ sī 無 liàn 轉，m̄ koh 華語腔真重。番感覚 taⁿ ná 像 kui ê Tâi'oân ê cabó͘ gínná teh 講 hōló 話 ê 時 lóng kui chùi 華語腔，m̄ cai in kám 準做 ánne khah 有 cabó͘ 人 ê 気口。

番 teh 想，今年 Tâi'oân cabó͘ 人六七成投 hō͘ 馬候選人，kám hâm ce 無 tītāi。

LOL2A 原則（読冊에筆記）

2008-09-29T11:50:00.007+08:00

番 cit 几年有 teh 読 Sūisū 人 René Egli 所寫 ê

创造美丽人生: LOL2A原则·大我与小我的故事

M̄ koh 番所読 ê sī eng 語版本 ê，出版已經 kài 久 ah，無 saⁿhmih 圖等等 ê。読了整理做一篇筆記会 tàng the̍h 來参考：

（下 kha koh 有一 ê「漢한」版本。）

Taⁿ lán bô beh koh lâi hunthiah ta̍k hāng hó ah bái.
M̄ thang koh lâi teh hunthiah koèkhì ê tāicì hó ah bái.

Taⁿ lán koh ū sìnsim.
Ta̍k hāng lóng kanna kngpho teh tíntāng nāniā.
Susu liāmliām lóng sī lêngliōngthé.
Sim lāi teh siuⁿ saⁿh iûcāi lâng phahsǹg.
Kású lán nā ē susiúⁿ, tánthāi, kìmcia̍h, lán ta̍kgêlâng lóng ū câitiāu chòng kîcek, chutthâuthiⁿ.

Taⁿ lán koh ū àisim.
Ài sioh lán ê chùpiⁿ ná teh sioh lán kakī.
Ài sioh lán kakī.
Ài khah cia̍p ciok'hok pa̍tlâng.
Ta̍k kang ēsái cēngsim gō͘ hunceng, sim lāi subō͘ àihō͘ ta̍kgê, paukoah kah lán ū teh sio tak ê lâng.
Ta̍k hāng ta̍kgêlâng lóng kāng kho͘'á ê.

Taⁿ beh lâi pàngsim.
Ciapsiū hiāncāi ê.
Hē goān liáu'āu m̄ thang siuⁿ cimciok, simthâu ài phah khuikhui.
Hē goān liáu'āu ài ū sìnsim.
Khiā tiàm hiāncāi!

Taⁿ beh lâi kám'un.
Mài kiànpài hiâm goākháu ê sánphín siuⁿ kùi.
Kám'un to̍h sī àisim.
Kám'un mā sī pàngsim.

Siōng iàukín to̍h sī lán citmá teh siuⁿ saⁿh!

다란無뻿것來分拆逐項好앗빼

음탕것來뎃分拆過去에대지好앗빼

다란것有信心

逐項렁간나光波뎃딘動나냐

思思念念렁시能量体

心內뻿想삿由在人팟算

假使란나会思想、等待、禁食，란逐에人렁有才調創奇蹟、出頭天

다란것有愛心

애惜란에추边나뎃惜란家己

애惜란家己

애캇쟙祝福別人

逐工会새靜心五分鐘，心內思慕、愛護逐에，包括及란有뎃셔닥에人

逐項逐에人랑강箍아에

다뻿來放心

接受現在에

下願了後음탕슈斟酌，心頭애팟開開

下願了後애有信心

企댬現在！

다뻿來感恩

매갼배嫌外口에產品슈貴

感恩덧시愛心

感恩마시放心

셩要緊덧시란짇마뎃想삿！

南囯一日一句話：「뻬暁読，会새問린베」（Bēhiáu tha̍k, ēsái mn̄g línpē)

2008-09-25T23:07:00.009+08:00

Soàⁿténg pah-hun-ci-pah kui pah pha ēng hōló'oē teh siá ê blo̍k iáu bô cē. Kîtiong ê ci̍t tah to̍h sī "Wa Si Hokkien Lang", ēng lômájī siá ê, cokciá "Hokkien Lang" ùi Malakkah cúikau'á (Selat Melaka) hit tah lâi.

Ùi hia lâi ū teh hoāⁿ 100% hōló'oē blo̍k ê lâng si̍tcāi kài ció. Tòpéng ū ci̍t khoán lâng kui kang teh soan Hokkien Lang cit tīn lâng ná ánne the̍h pe̍hlâng ê jī teh siá hōlóbûn, khausé in sī "ângmo͘sái" téngténg, beh siá hōlóbûn bēhiáu the̍h hànjī lâi siá.

Hit tīn ~~"cînnásái" (秦아屎)~~ bô lō͘'ēng ê phó͘thongsî ia̍h bô teh siá poàⁿ kù hōló'oē, si̍tcāi cia̍h ângmo͘sái cia̍h siuⁿ kú m̄ cai bī, bēhiáu phīⁿ. M̄ koh, "Hokkien Lang" sī ánne kóng ê:

Wu lang ti jit geh blog kong wa lang eng ang moh piak hokkien wueh sibeh siah sueh, sibeh boh standard. Kong limpeh eh hokkien wueh zao chooi. Kong lu lang eh hokkien wueh kanasai. Tapi beh hiao kin! Limpeh kong simik lanjiao lu lang beng pek, lu lang pang simik comment limpeh eh hiao thak. Beh hiao thak, eh sai meng limpeh. Eng emiao mah eh sai. Limpeh thar tiok eh reply lu eh.

番 lâi kā coánsiá ci̍t'ē, hō͘ bat o̍h Pe̍h'oējī ê lâng ē khah kín khoàⁿ ū:

Ū lâng tī cit kê blo̍k kóng goálâng ēng ângmo͘ phah(?) hokkiàn'oē síbê siaⁿsoe(?), síbê bô standard. Kóng línpē ê hokkiàn'oē cáuchùi(?). Kóng lúlâng ê hokkiàn'oē káná sái. Tapi bē iàukín! Línpē kóng símmih lānciáu lúlâng bêngpe̍h, lúlâng pàng símmih comment línpē ēhiáu tha̍k. Bēhiáu tha̍k, ēsái mn̄g línpē. Ēng emiao mā ēsái. Línpē tha̍k tio̍h ē reply lú ê.

ahsī

有人 tī cit kê blo̍k 講我人用紅毛 phah(?) 福建話 síbê 声衰(?), síbê 無 standard。講 línpē ê 福建話走 chhùi(?)。講汝人 ê 福建話假 ná 屎。Tapi bē 要緊！Línpē 講 sím 乜 lān 鳥汝人明白，汝人放 sím 乜 comment línpē 会暁読。Bē 暁読，会 sái 問 línpē。用 emiao mā 会 sái。Línpē 読着会 reply 汝 ê。

Bílētó tólāi khah hántit thiaⁿtio̍h ê gísû:

goálâng/lúlâng = goán/lín, tī cia goálâng = lán
síbê (Malakkah cúikau'á hōló'oē; siaⁿtiāu bô kài khaktēng) = ū kàu, si̍tcāi ū kàu, huisiông
standard (enggí) = phiaucún
tapi (ùi málai'oē lâi) = m̄ koh, tānsī
emiao = enggí email
siaⁿsoe: 番 mā m̄ cai, ài siá phoe mn̄g Hokkien Lang
cáuchùi: 番 mā m̄ cai, ài siá phoe mn̄g Hokkien Lang

Beh koh tha̍k Hokkien Lang ê blo̍k, kèngchiáⁿ chi̍h ce. 暗番 síbê thiám, beh lâi khún.

新대완人（Sin Tâi'oân lâng）

2008-09-24T12:40:00.006+08:00

Tī cia m̄ sī beh 講芋 á ê lah。M̄ koh 先 the̍h 一層芋 á ê tāicì 來踏話頭。Khah 早李豋輝時代逐 ê lóng tīleh 討論「Tâi'oân 人 sī saⁿh」「中国人 sī saⁿh」hit cūn，番 ê 芋 á 爸 á lóng 講伊 sī Tâi'oân 人，mā sī 中国人，伊 koh lóng 講「Tâi'oân 人 lóngmā sī 中国人，ce 絕対無 m̄ 着。」番問「Áncoáⁿ 講 leh？」爸 á 講「我 nā tú 着一 ê Tâi'oân 人，及伊講話開講，逐 pái 真自然 lóng 会感覚伊 sī 中国人，m̄ sī 外国人。」番講「Ah 照講，国民黨 nā sī 佔領 kui ê Asià 東南部，迫逐 ê ài 寫漢字講北京話，後 pái in m̄ lóng kui ê 東南 A lóng 変做 sī 中国人？因為 cham in 開講 bē 感覚着 in sī 外国人？」爸 á 講「汝烏白講 ê lah 汝。」

Cit 暫 á 番 tī Krūngthe̍p（Bāngkok）熟 sāi 着幾 nā ê bat toà Tâi'oân 食頭路 ê 暹邏人。因為 in 無定着 lóng 泰族 ê，有参 hit 種 Khme（高綿）血統及傳統，所以 bēsái 講 sī「泰国人」。其中一 ê，伊 tī 外口看着番手內 the̍h 一本冊冊皮寫 ê lóng 漢字，伊 tō 開 chùi 用華語問番「你是哪裡人？」結果 ciah 瞭解，阿 Chài 伊 bat toà Tai'oân 食頭路食八冬，二十一歲 to̍h 去 Tâi'oân，toà Pîntong 一間工廠作穡，了後 kā 人走車，交一 ê 在地女朋友及伊做伙開榔檳 tàⁿ，舊年 ciah 轉來暹邏泰国。伊 ciok kah 意 Tâi'oân，講年底 ahsī 明年 beh koh 轉去 Tâi'oân。番感覚不止 á 心適会 tàng tī cit 角勢熟 sāi 着 cit 款朋友。

Cit ê 阿 Chài ho͘ⁿh，華語講了 phēng 汝 lán kohkhah 好，Tâi'oân 腔厚厚 ê，hōló 話加減聽有 koh 会講 bē 少，講 hōló 話話句 ê 時，he 腔 mā sī 正 kah 假 ná 高雄、Pintong 大漢 ê。其実 ánne 講 mā 有影 lah，伊講伊 kanna 二十一歲 to̍h 走去 Tâi'oân 討食，三十歲 ciah 轉來暹邏，已經成做半箍 Tâi'oân 人。番 hâm 伊講話，感覚伊実在 to̍h sī Tâi'oân 人，伊 ê 思考，伊 ê 表情等等，m̄ cai sī m̄ sī 暹邏人原底 to̍h 及 lán chan 像，語言溝 á 一下 làng 過 to̍h lóng kāng 国 ê。Cit 幾年，阿 Chài lóng tī Tâi'oân，ah 番 soah lóng tī 海外走 công，真 cē Tâi'oân ê tāicì，阿 Chài bat，番 m̄ bat。所以阿 Chài cit ê 新 Tâi'oân 人，phēng 番加 khah 正港，phēng 番 ê 芋 á 親情加 khah 正港，phēng lín 众読者 toà Amélikà ê 親情朋友加 khah 正港。番 sī ánne 看着 ce，ciah 來 ánne 講 ce，ce sī lán 現在 ê 世界！

火龙果 Thài 話叫「แก้วมังกร」（kéo mn̄g kōn，lóng mài 読変調 o͘h），nā 直接翻做 hōló 話 to̍h sī「紅龙杯」！

南国一日一句話：「운샬에去看쳐母」（Gún siáu ê khìr khoàⁿ chiobú）

2008-09-22T18:41:00.015+08:00

Senggâpho͘ Lîm sióciá Diana teh siá ê enggí blo̍k lāité putsî ū teh iā kúilo̍h kù hōló'oē ("hokkiàn'oē") lo̍hkhìr, i mā khaisí teh siá coân lóng hōlóbûn ê bûnciuⁿ. Lîm sióciá íkeng seⁿ nn̄g kho͘ gínná, sinthé siu hō͘ sán liáu'āu iáu iûgoân 20 goā hoè niâ, kài cē mā 30 hoè khatau, hâm 番 kāng iân (kāng ûn). To͘chī lāi, cit khoán cia̍p kóng hōló'oē koh gâu siá hōlóbûn ê siàuliân cabó͘lâng ... hoānsè bô cē, m̄ koh, in si̍tcāi sī hōlóbûn sîtāi ê úi'áiphi (VIP).

Diana ū siá kúilo̍h phiⁿ teh kà lâng hōló'oē ê, tī cia 番 the̍h i kà ê ci̍t kù oē lâi kap ta̍kgê hunhióng, sūnsoà kā ta̍kgê kàisiāu i ê blo̍k.

Woon Siao Eh kia lit pang seh wa kaki ji khor ke Sentosa Pah volleyball. Excuse liao liao la ki sit si *nabey* ke kua cheng bikini eh chiobu.

"Siao eh" to̍h sī siáu ê, tī cia sī khanchiú ahsī lâm/lú pêng'iú ê ìsù. Lâi kā coánsiá ci̍t'ē:

= "Gún siáu ê kinnáji̍t pàngseⁿ goá kakī ci̍t kho͘ khìr Sentosa phah volleyball. Excuse liáu liáu lah, kîsi̍t sī nâbe khìr khoàⁿ chēng bikini ê chiobú."
=「Gún siáu ê 今 ná 日放生我家己一箍去 Sentosa phah volleyball。Excuse 了了 lah，其実 sī 娘 be 去看 chēng bikini ê chio 母。」

pàngseⁿ: khoàⁿ khoán ti cia i ê iōnghoat kap pàngsak kāngkhoán
volleyball = pâikiû (enggí)
excuse = ciohkháu (enggí)
nâbe: ùi samcūkeng "KLNCCB" iánpiàn lâi ê, khùikháu khah khin koá, siôngsè ê hoat'im káná sī "nā--be" ahsī "nâ--be"
chio = hoâgí 辣 ê khoán, náchiūⁿ ùi goâncá ê bânlâm'oē lâi, Diana mā ū the̍h enggí lâi káisoeh
chiobú = hoâgí ê 辣妹

好，有閒会 sái 読看林小姐 ê blo̍k，伊 kài 大路，寫真 cē，tī 頭頁正 pêng 会 sái chi̍h「Hokkien Entries」thang 看伊寫 ê hōló 話 blo̍k，其実 iáu 真少 lah，向望伊後 pái khah cia̍p 寫 leh。

南国一日一句話：「汝매亂亂講칸도돠짇빙」（Lú mài loānloān kóng khanto͘ toà cit pêng）

2008-09-21T13:08:00.009+08:00

Kinnáji̍t beh lâi kàisiāu Calvin ê blo̍k. Calvin ùi Málai'á Pin'eng lâi. I ê blo̍k hōcò kaniahokkien.net, blo̍k téngkoân tiàm blo̍k miâ ēkha tō siá, "Bo pa ler ua liao tapi kania hokkien nia", tō sī "Bô pa̍t ê oā liau tapi kania hokkiàn niā". Tapi ùi málai'oē lâi, tō sī enggi but ahsī hoâgí 而. Oā tō sī oē, kania tō sī kanna, goá ánne kóng liáu'āu ta̍kgê tō úntàng khoàⁿ ū.

Calvin íkeng kài kú lóng bô saⁿh teh kò͘ cit tah blo̍k. I kakī kóng:

Bila jam wa kai si chit ler brog, wa siao kong wa ee khijit noh sar pai chit ler pai. Tetapi wa chin boh eng sampai wa boh tong tiok chit ler brog kar anneh kuu... Tetapi, chit ler brog ah boey sii kok.

＝ "Bila jam goá khaisí cit ê blo̍k, goá siūⁿ kóng goá ēkhícit nō saⁿ pái ci̍t lépài. Tetapi goá cin bô êng sampai goá bô tōng tio̍h cit ê blo̍k kah ánne kú... Tetapi, cit ê blo̍k ahboē sí koh."
＝「Bila jam 我開始 cit ê blo̍k，我想講我会起 cit 兩三 pái 一禮拜。Tetapi 我真無閒 sampai 我無動着 cit ê blo̍k kah ánne 久... Tetapi, cit ê blo̍k ah 未死 koh。」

bila jam = sîcūn, kiànnā
tetapi = ah m̄ koh
sampai = kàu, tìkàu
(Ísiōng saⁿ hāng ùi málaigí lâi.)
nō = nn̄g (照講 tī 閩南 mā sī 有人講 nō, nūi)

Calvin cit tah blo̍k siōng te̍kpia̍t tō sī i lóng siá hōló'oē, tûkhìr múi ci̍t phiⁿ bûn ēkha ū hoan cò málai'á enggí ígoā, i ê blo̍k lóngcóng ēng hōló'oē siá ê, Hoanná m̄ ciah ánne cácá kā chuiciàn hō͘ ta̍kgê khoàⁿ. Calvin kakī kóng,

Lu cai la, balu ee han cheng, na si lu beh hiau kong England, beh hiau sia England, beh hiau thia England, lu tia tiok goal ee. Tapi hor, na si ee, limpeh mai iong England tua chi ler brog ee eng wei chi ler brog si kio kaniahokkien.net ma. So, limpeh kania sia hokkien nia. Bo pa ler ua liao ee.

＝ "Lú cai lah, balu ê hângcêng, nā sī lú bēhiáu kóng England, bēhiáu siá England, bēhiáu thiaⁿ England, lú tiāⁿtio̍h goal ê. Tapi ho͘ⁿh, nāsī ê, línpē mài iōng England toà cit ê blo̍k ê, in'ūi cit ê blo̍k sī kiò kaniahokkien.net mah. So, línpē kania siá hokkiàn niā. Bô pa̍t ê oā liau ê."
＝「汝 cai lah，balu ê 行情，nā sī 汝 bē 暁講 England，bē 暁寫 England，bē 暁听 England，汝定着 goal ê。Tapi ho͘ⁿh，但是 ê，línpē mài 用 England toà cit ê blo̍k ê，因為 cit ê blo̍k sī 叫 kaniahokkien.net mah。So，línpē kania 寫福建 niā。無別 ê 話了 ê。」

lú = lír = lí, náchiūⁿ Pin'eng lâng bô teh kóng "lír", kóng "lú", ce tō kap Pasang lâng Angeh bô kâng
balu = citmá, túciah, Hoan ioh sī ùi Pin'eng hit tah ê málai'oē lâi
so = só͘'í, ùi enggí lâi
goal = ? ... Hoan ioh ce sī ùi enggí goal the̍h lâi cò o͘'iúsoah hit ê ìsù
liau = ah, piáusī bó͘mih tāicì íkeng hoatseng, m̄ cai sī ùi tiôciu'oē ahsī thàigí cioh lâi ê, ahsī kóng tī Bânlâm mā ū lâng kóng ánne

Calvin sīmcì kóng:

Chi ler si kaniahokkien.net. Lu mai luan luan kong canto tua chi peng. Wa mmm cai ee.

＝ "Cit ê sī kaniahokkien.net. Lú mài loānloān kóng khanto͘ toà cit pêng. Goá m̄ cai ê."
＝「Cit ê sī kaniahokkien.net。汝 mài 亂亂講 khanto͘ toà cit pêng。我 m̄ cai ê。」

khanto͘ = kńgtang'oē ahsī kńghú'oē, tō sī Kńgtang pe̍h'oē, in málai'á lâng kā hōcò khanto͘, tō sī ùi enggí Cantonese lâi.

Hó, kóng kàu cia, Hoanná mā siān liau. Beh koh tha̍k Calvin siá ê, kèngchiáⁿ chi̍h ce. Hibāng Calvin ài kèsio̍k siá hōlóbûn, bila jam i nā ū siá, bila jam Hoanná tō beh koh lâi tha̍k.

南国一日一句話：「去처人來벼」（Khìr chēr lâng lâi pio）

2008-09-20T15:29:00.025+08:00

Kinnáji̍t beh lâi kàisiāu "Angeh" (Âng--ê?) ê blo̍k. Angeh sī ha̍kseng, toà Málâise'á Pasang. Pasang koaⁿhong kiò "Klang", tiàm siúto͘ Kuala Lumpur piⁿ'á. Chiúthâu cit phiⁿ blo̍k bûnciuⁿ hō cò "Cher Tai Chi" (= chēr tāicì), tīr cia: http://enghuat-enghuat.blogspot.com/2008/05/cher-tai-chi.html.

2.00am. Lin peh jin jia sien. Em chai ai cho hami. Aiya, hong kan lah ker cher lang lai pio...

＝ "Línpē cinciàⁿ siān. M̄ cai ài cò hámí. Ai'ià, hō͘'n̂g kán lah, khìr chēr lâng lâi pio..."
＝「Línpē 真正 siān。M̄ cai ài 做 há 物。Ai'ià，hō͘'n̂g 姦 lah，去 chēr 人來 pio...」

Hâm Tâi'oân 話 khah 無 kâng tō sī hit ê「há 物」，意思及「saⁿh 物」「símmih」sio kâng。Koh 有，Angeh「去」及「chēr」lóng 保持 hit ê 泉州腔，he citmá tīr Tâi'oân khah 罕得听着。

Beh koh tha̍k lo̍hkhìr, kèngchiáⁿ chi̍h ce. M̄ koh, Angeh cit pái lóng ēng ângmo͘ ê oē kā lâng pio, kanna hō͘ i pio ê hit ê lâng kóng hōló'oē ìn i...

管待伊「Kaohsiung」ah「Gaoxiong」ê，hō͘ in lóng 変 tshan 像「漢城」：過時！

2008-09-18T21:14:00.002+08:00

Tsit 幾年 tī Tâi'oân，人一直 teh tsèⁿ 看政府 beh 揀 tó 一套 lômá 字來寫北京話：中国 ê 漢語拼音？Ahsī Tâi'oân ê 通用拼音？Ahsī 清国時代 hit 套古早 ê、m̄ tsai 叫 símmih 名 hit 套？Tsit 禮拜，馬英九政府宣布講後 pái 全国逐 ê lóng 着用漢語拼音，beh 用別套 ê tō mài 想 beh 討錢。大條新聞 hioh，番 tī Krūngthép（Bāngkok）in tsia 報紙 mā 有 teh 報 tse。

聽講 iáu 有人 bē 爽 tse。番來想看 māi。北京？Lômá？！Beh the̍h saⁿh 款 lômá 字來寫北京話，Tâi'oân 人 beh 來 tsèⁿ tse sī beh tsèⁿ saⁿh？！！

Hō͘ 北京話 tī Tâi'oân tshāi kah 在在，he tāi 先 tō sī 国民黨 ê「堅持」。反対用漢語拼音來寫北京話，he tú 好 mā sī 国民黨 ê 精神，taⁿ suah tng 着国民黨 ê 頭人 teh 放 hō͘ 西瓜倚大 pîng，冷戦留 hō͘ 在野 ê 看 in kám 有 beh 去接接（tsihtsiap）。

話講倒轉，有人 beh 為 tse 來 siū 気，kiámtshái mā sī 好 ê，代表 lán 腹肚內 ê 火 iáu 大 pha。番 tútsiah 去網路頂 tshìntshái sa 幾 ā tè 相片 hō͘ 逐 ê 看：

正 pîng tsit ê 捷運站名，「楊厝港」寫做 lômá 字 hōló 文，逐 ê ioh tse sī tī símmih 城市？Sī m̄ sī 民進黨執政 ê 高雄市？Ahsī tuaⁿtiah ê 文化首都 Tâi 北市？当然 lóng m̄ 着，Tâi'oân ê 捷運站名哪有 teh 用 hōló 文寫 ê。Tse sī tī Singgapho͘ 。

Singgapho͘ 做会 kàu，高雄 mā 做会 kàu！站名、經济 lóng ánne。下 kha tsit ê 龙山堂邱公司，下 kha hit tsuā sī hōló 話 tàu ê，一下看 tō tsai'iáⁿ m̄ sī tī Tâi'oân、閩南，因為 hia lóng 定着 kā 寫做 símmih「Longshan」、「Lungshan」，譬喻 Bángkah hit 間「Longshan」寺 ahsī 「Lungshan」寺。

有人 tō sī beh tsèⁿ tsit ê「Lung-shan」、「Longshan」，m̄ koh，he 龙山明明寫做「LEONG SAN」mā sī kui 叢好好。Kám 講「龙山」一旦寫做「Leong San」，piàⁿ 読 mantalin 文（中国語 lah）ê hiah'ê kolē 旅客、紅毛 phāiⁿ'á 客 tō lóng phàng 見 tshuē 無路，去 Pin'eng（檳城／Pinang）tshitthô suah bē 赴拜訪邱公司？

檳榔嶼做会 kàu，美麗島 Tâi'oân 平平做会 kàu，後 pái 閩南 mā 做会 kàu。下 kha tsit 間銀行名 mā 寫做 hōló 話。Tse tō sī 豐隆銀行 ê 一間 lah。

汝 nā bat se̍h ùi Sing 州、Málai'iá，ahsī 瞭解銀行界，汝定着 tsai'iáⁿ tsit ê 豐隆 bē 細尾 ê。下 kha sī Singgapho͘ ê 豐隆大楼，相片 hip kah 無 kài 清楚，門 kha 口頂 kuân mā sī 寫「HONG LEONG BUILDING」，ah in 哪無寫「HONG LEONG TOA LAU」，he 番 tō m̄ tsai lo͘h。

Lán Tâi'oân 自早 kàu taⁿ to iáu 有 Liôngsan 寺，mā 有 Sîngkong 大学及 Tāmkang 大学，mā 有 Pang 寮及 Pang 桥，koh 有三重埔、Lô 水溪、Ta 溪等等，he lóng m̄ sī tshìntshái 烏白 phángpháng tō 会無去 ê。

Sī 講，除去淡江大学以外，人 nā kanna 読 he 边 á hit tsuā lômá 字，難免 in 看着 ê lóng 北京話。其実，番 m̄ 敢講 he lômá 字 ê tāitsì sī 真值得 tsèⁿ ah 無，m̄ koh，番 teh 想，beh tsèⁿ tō kuikhì tsèⁿ khah 大尾 ê，tsèⁿ hō͘ kolē 人 beh 去 Tâi'oân tshitthô ê 時 in ê 飛行機票 ài 寫「Kohiông」ahsī「Thôhn̂g」ahsī「Thô'iên」，ah in nā 坐捷運去 tī Bángkah 落車 ê 時 in 会看着 hit ê 月台頂 lóng 寫「Liongsan Temple」ah 甚至「룡산시」。Ánne 有 súi 気無？A̍h 有 saⁿh 無可能 ê？

Singgapho͘ 及 Pin'eng 做会 kàu，Bángkah、高雄及廈門哪做 bē kàu？Tâi'oân 人講有一寡芋 á teh kā giú 後 kha，Málai'iá ê hōló 人定着應講 in 已經 phāiⁿ kui 陣番 á、紅毛番及廣東人 phāiⁿ beh 成兩百冬 ah lóngmā 照起工 teh「ngài」（忍耐）... Tse m̄ sī 暗生番 teh kā lín 講 ê lah，sī in Málai'iá hōló 人 ê 気口，番学 hō͘ lín 聽 ê nāniā。

南国一日一句話：落南洋読網錄（1／踏話頭）

2008-09-17T17:40:00.005+08:00

Bo̍kcêng, lán hōló'oē mûithé iáu putcí'á hibî, āupái mā m̄ cai beh àn tó khìr, lán ê bānglo̍kkài ná ēkhamtit koh ciàu tio̍h kokkài lâi tok cò 3, 4 kho͘'á? Iah m̄ koh, citmá túhó íkeng ánne.

目前，lán hōló 話媒体 iáu 不止 á 希微，後 pái mā m̄ cai beh àn tó 去，lán ê 網錄界哪会 kham 得 koh 照着国界來 tok 做三四 kho͘'á。Iah m̄ koh，citmá tú 好已經 ánne。

Hokkien media still kind of dead right now. No one can say what's next. We can't afford to split the Hokkien blog world into three or four blog worlds based on nationality. Tapi balu oreddy like that lah.

Cóng sī he mā m̄ sī bô iân bô kò͘ ê. Bûnjī ê būntê seng mài kóng. Ta̍k só͘cāi hōló'oē lóng kóng liáu cin bô sio siâng. Málai'iá hit pêng in lóng lām ciok cē málai'oē, tiôciu'oē, kńgtang kńghú'oē kap enggír teh kóng'oē, Tâi'oân kap Bânlâm hia ê lâng thiaⁿ liáu bū sàsà. Ah Tâi'oân tólāi íkeng toè hoâgír kap ji̍tpún'oē cham cin cē subīn'gír teh kóng'oē, Málai'iá lâng thiaⁿ liáu lóng gānggāng khír.

総 sī he mā m̄ sī 無緣故 ê。文字 ê 問題先 mài 講。逐所在 hōló 話 lóng 講了真無 sio siâng。Málai'iá hit pêng in lóng 滥 ciok cē málai'oē、潮州話、廣東廣府話及 eng 語 teh 講話，Tâi'oân 及閩南 hia ê 人聽了霧 sàsà。Ah Tâi'oân 島內已經 toè 華語及日本話 cham 真 cē 书面語 teh 講話，Málai'iá 人聽了 lóng gānggāng 去。

But is reason for that lah. First, skip the writing system question. Everywhere Hokkien is spoken different. Malaysians talk Hokkien with bits and pieces of Malay, Teochew, Cantonese, and English. Taiwan people and people from Hokkien really thia bo Malaysian Hokkien. In Taiwan, the people followed Japanese and Mandarin so now they talk like reading a book, Malaysian listen also thia bo.

Cin cē Tâi'oân lâng m̄ lóng kóng Tâi'oân ê hōló'oē íkeng thàulām cin cē hoanná oē, hō͘ i hionghiong coāiⁿ kah íkeng m̄ sī bânlâm'oē, sī pa̍t cióng oē. M̄ koh nā beh kóng símmih lia̍h hoanná oē lâi thàulām ê tāicì, nā the̍h Tâi'oân'oē lâi kap Málai'iá lâng ê "hokkiàn'oē" sio píphēng... Si̍tcāi tō sī Chitcheⁿsoaⁿ tú tio̍h Gio̍ksan, Thàisan kāng tio̍h Sînsoaⁿ kha.

真 cē Tâi'oân 人 m̄ lóng 講 Tâi'oân ê hōló 話已經透滥真 cē 番 á 話，hō͘ 伊 hionghiong coāiⁿ kah 已經 m̄ sī 閩南語，sī 別種話。M̄ koh nā beh 講 símmih 掠番 á 話來透滥 ê tāicì，nā the̍h Tâi'oân 話來及 Málai'iá 人 ê「福建話」sio 比 phēng... 実在 tō sī 七星山 tú 着玉山、泰山 kāng 着神山 kha。

A lot of Taiwan people say Taiwanese oreddy full of hoanna words one, oreddy mutated, is different language, not Banlamese/Hokkien. But what's really full of hoanna words mutated one is Hokkien from Malaysia/Nusantara. Is no comparison, is like Mt. Taisan (in China) versus Kinabalu.

Hoan siongsìn, lán bô kāng ūi ê lâng iáu oânná ētàng the̍h hōló'oē lâi kóng'oē, khaikáng, kauchap, m̄ koh ài ū nāisim o̍h tùihong ê kónghoat, m̄ thang lia̍hcún tùihong ài káipiàn in ê kónghoat, kanna ētàng káipiàn lán ê "thiaⁿhoat". Lo̍hboé lán hōló'oē ciàⁿsi̍t ētàng "chut kokcè". Hoan tō ùi cia liâu lo̍h.

番相信，lán 無 kāng 位 ê 人 iáu oânná 会 tàng the̍h hōló 話來講話開講交 chap，m̄ koh ài 有耐心学対方 ê 講法，m̄ thang 掠準対方 ài 改変 in ê 講法，kanna 会 tàng 改変 lán ê「聽法」。落尾 lán hōló 話正実会 tàng「出国際」。番 tō ùi cia liâu 落。

Hoanna (me) believes we can still all talk Hokkien, only must have patience, cannot expect other side to change how they talk, only can change how we listen. Ultimately, Hokkien can go international! So here we go.

暗生番가汝介紹ＬＡ（三）：「汝음시少数民族！」（汝 ṃ sị 少数民族／乞食 beh 趕乞食）

2008-09-17T12:14:00.003+08:00

Taⁿ tị LA，Méhikò（墨西哥 México）人 siọng cẹ，中 Bí 洲救主国等等 hit 幾 pha 細国 ẻ 人 mạ kài cẹ，lóng 総加起來 phẹng 俗稱「米国人」ẻ 花旗 á engló 人（Anglo American 人）kohkhah cẹ 成兩三倍，致使 citmá LA 人透早 kàu 暗 siọng ciạp teh 講 ẻ 話已經 sị epannia 話（西班牙話），收音機切 leh mạ 五、六成 lóng epannia 話電台，eng 語 ẻ 伸 khah 無四成。

Lán Asià 人 nạ khah 無瞭解 LA 歷史 ẻ，去 kàu LA lóng 笑講 he sị 乞食趕廟公，有人甚至替紅毛 ẻ tàu 憂愁、tàu 抱不平，心內 mạ 煩腦，本來 thẹh 厝 nih ẻ 錢講 beh 來 LA 読册学 eng 語，想 bẹ kàu LA lóng 講 epannia 話，ṃ cai beh 怎样來及親情五十交代。番講笑 ẻ lah。Ṃ koh lán ài 瞭解，LA ṃ sị cit 三兩年 ciah 來 hảm Méhikò 人結緣 ẻ。

Khah 早 Epannia 人 teh 開殖民地 hit 暫，citmá ẻ Kali（加州 California）kui ẻ lóng khihhợ in lám 入去 Méhikò殖民地，変做 sị Méhikò ẻ「頂港」所在。Epannia 人 tị hia 設二十外間傳道楼來 kạ 原住民洗腦做 kulí。Hit 段 utcut ẻ 歷史，番 toà「暗生番 kā 汝介紹ＬＡ（一）：ＬＡ ê 名」內底加減有講過。Ṃ koh hit cụn Méhikò「下港」「中原」人真罕得去 kàu Kali 及 LA。Ce 有一部份 sị 因為 hit cụn LA ah 未偷引 choạ 內山 ẻ 水，水源 pháiⁿ choẹ，無人 beh 去 LA。Koh 有 tọ sị 驚斬頭，因為 nạ beh ùi Méhikò ẻ 中原騎馬坐車赴 LA，定着 ài ùi 紅江（Colorado 河）出海口過，ah 紅江出海口 hia 原住民 gảu 戦，epannia 人 beh 欺負 in 欺負 bẹ 贏，顛倒 tiạⁿtiạ̣ⁿ beh ùi hia 過 soah hợ in 斬頭，ṃ ciah 驚 kah ṃ 敢去，等看後 pái 有船 thang 坐無。

Méhikò 独立了後，ce 情形無 saⁿh 変化。Lán ài cai'iáⁿ，Méhikò 独立了後，猶原 lóng 白人 teh 做主，kàu taⁿ to iáu ánne，ṃ ciah 偷渡花旗 á 国討食 lóng 銅色 bah 皮烏頭毛 ẻ khah cẹ。所以 ce ciah sị citmá hảm 古早時代 ẻ 種差，tọ sị citmá khah 有普普通通 ẻ 普通人 ùi Méhikò 南部徙去 kàu 金山 Kali，講 sị teh kạ「收復」，bẹ 輸鄭成功 teh「收復」美麗島，雖然美麗島本底 tọ 無屬 tị 成功伯，ah 雖然金山 Kali 本底 mạ 無屬 tị cit 陣 Méhikò 中原人... Ṃ koh，江山 ạh 会屬 tị 人 ẻ，假 ná khah 早原住民 khah bat ce...

1840 年代，花旗 á engló 人起 siáu 貪，発 pọng 戦爭來及 Méhikò 搶北 Bí 洲半 tè 天下，戦贏搶有，包括 Kali mạ hợ in 搶過，kàu taⁿ 已經 khihhợ in 殖民百六冬。

Taⁿ hơⁿh，Méhikò 人、中 Bí 洲人日時申請 bisa（簽証）來去花旗 á 国 chitthỏ choẹ 親情，暝時 kui 家伙 á ùi San Diego ẻ 後山 nǹg 過国界，走去 LA 骨力 phahpiàⁿ thàn 錢，早早 sio 嫁 choạ，sakkhù tàn 離離，gínná 生 kui 堆，ah 自 gínná 細漢 tọ kạ in 講，「汝 cai 無，cit tè 土地原早屬 tị lán ẻ，後 pái mạ sị lán ẻ。」Gínná tị 学校学 eng 語読 eng 語册，he eng 語媒体 lóng 講 lán sị「少数民族」，kanna in 紅毛 ẻ ciah sị「多数民族」，無 saⁿh pháiⁿ 意 ẻ lah，ṃ koh LA ẻ Méhikò 人 ṃ ciah 着不時 oạt 頭顧歷史顧前途，kạ in ẻ 少年人提醒講，「汝 ṃ sị 少数民族！」番 mạ beh kạ 汝講，汝 ṃ sị 少数民族！後 pái 汝 nạ tị 江山 tó 一角勢 tú 着我暗生番，請汝 mạ ài kạ 番提醒一下講 lán ṃ sị 少数民族。

Semua boleh cakap bahasa melayu，뽕라아兼洗褲！（逐 ẻ lóng 会学得 málải 語，bong lả'á 兼洗褲！）

2008-09-15T18:57:00.001+08:00

頂暫 á 網誌界有人寫一篇 eng 語文章号做「華語 kám 会 hảm eng 語比 phẹng 国際共通語 ẻ 地位？」（「Will Chinese Rival English as International Lingua Franca?」）伊 ẻ 結論 sị bẹ，因為華語 siuⁿ phaiⁿ 学 koh 硬 táu，bẹ toè 時行。番心內起 giảu 疑。Cit ẻ Au 洲人 toà Tải'oản toà kài 久，holó 話及華語 lóng iáu 寫 bẹ 好勢，koh 講 sị 華語 pháiⁿ 学 teh kạ 人創治，講逐 ẻ lóng 講 eng 語 ṃ ciah sị 路！

其実，番感覚 cit 位網誌仙針対華語 ẻ 結論無 ṃ 着。因為漢字有影太 cẹ ah，所以人 nạ 無自細漢 teh 学，轉大人了後 tọ 加真 pháiⁿ 学。因為 ánne，華語 khah bẹ 成做国際共通語，除去 tị 中国、日本、Tải'oản、Senggaphơ、Málải'iá cit 幾国中間以外。

Ṃ koh，番 beh 講 ẻ，tọ sị 世間 ṃ niả eng 語及華語 cit 兩種語言 thang 做共通語。尤其 tị lán Asià 東南部，自早 tọ 有一種語言，生成 tọ sị 共通語，文法簡単，加真好学，聽講読寫 lóng bẹ 困難，he tọ sị málải 語！

Hoạnsè 華語 pháiⁿ 学，bẹtàng thẹh 來做共通語。Ṃ koh，対大部份 ẻ Asià 人來講，eng 語 mạ 実在有夠 pháiⁿ 学。無 lán 鄉親哪着自細漢 toà 学校 teh 読，出外読大学食頭路 koh 着了錢溌時間來 teh 補習，koh gínná 生出來無 joạ 久 tọ kạ 抱去 eng 語幼稚園！

Taⁿ citmá 2008 年 lán 講猶原 sị Au 洲人及 engló 人天下第一大，不時 teh hiù 錢做大頭家総經理，lán 逐 ẻ ài 講 eng 語 ciah 分会着資本及機会，koh 再講，時勢已經 ánne 注定，beh 行出門 kha 口，一 ki chùi tọ sị 顧講 eng 語 tọ 着 ahlah...

2038 ahsị 2068 年，時勢 kám 会猶原 ánne？Ah nạ 無，lán kám beh 継続了錢溌時間学 eng 語？後 pái lán Asià 人 teh 開会 ẻ 時 kám 着永遠用 eng 語來開？Tải'oản 人 tú 着越南人、Huilịppin 人 kám 着永遠硬講 eng 語，轉去厝 koh hờ gínná 出去学 eng 語？

後 pái 手路百百款，譬喻設 málải 語及華語做 Asià 太平海地区 ẻ 共通語，儉錢兼省時間，koh hợ lán 囝孫 mạ 会有傳統及未來。

边 á ẻ 插圖：「Orang kurang upaya」tọ sị「殘障人士」ẻ 意思，họló 話「lảng」／「人」，málải 語做「orang」，ṃ cai sị 巧合 ahsị 古早古早 ẻ 共根 á 話？

暗生番가汝介紹ＬＡ（二）：ＬＡ人에宗教生活（ＬＡ人 ê 宗教生活）

2008-09-15T03:09:00.003+08:00

Bat 來去ＬＡ tshitthô、做 singlí 甚至過日子 ê 朋友 lóng 心內 teh 想，símmih 宗教生活，拜金拜銀拜大人，he tsiah sī ＬＡ鄉親 ê 信仰 ê 款式。（除去汝 nā 熟 sāi ê lóng 基督徒，koh in lóng tshuā 汝去 hâm 百分之百基督徒做陣。）無 m̄ 着 lah！M̄ koh nā beh 講 khah 好聽 leh，lán 着先講ＬＡ人拜 Iaso͘ ê siōng tsē，佔 kui ê ＬＡ県人口成七八十 pha koh 有伸，內底大部份 lóng 信天主教 ê，所以 teh 駛車 ê 時不時会看着人 ná 駛車 ná tī 胸坎前劃 hit ê 十字架求天公保庇，m̄ 驚天 m̄ 驚地，siōng 驚路 nih 車禍 tsē。

改革式基督教 tī ＬＡ mā 有真 tsē 人 teh 信，尤其高麗人 in lóng 信，汝 nā beh tī ＬＡ tshuē 着一 ê 高麗人 m̄ 信 Iaso͘ ê，包汝 tshuē kah phùi 血喝 m̄ 敢。華語（chino mandarín）族群 tī ＬＡ mā 真 tsē 信 Iaso͘ ê，tse ná 像 ài 看 in tuà tó 一角勢。Tī San Gabriel 河谷（唐人 ê 大本營，華語俗稱東区，因為 tī 市中心東 pîng）nāsī tī 河谷東 kue̍h，ahsī tī 西 kue̍h 北半 kho͘（谷地大道 ê 北 pîng），hia lóng 講華語 ê khah tsē，人 mā khah 好額，gínná khah gâu 読册，ah kàisîng 每一口灶 lóng 加減信 Iaso͘，有 ê mînua 信，逐日祈祷読道理，有 ê tshìntshái 信信 leh，kā 当做 sī 一 ê 活動 thang 及人交陪。番甚至発現，河谷北 pîng 倚山 kha hit tah，nā beh hâm 唐人 ahsī 高麗人熟 sāi、交朋友，除去参加教会聚会以外 tō 無別項，kanna 轉去 tshù 孤 kiáⁿ teh 看舊年 ê 電影。

Ahnā 市中心（唐人街）hia ahsī San Gabriel 河谷西 kue̍h ê 南半 kho͘ hia（谷地大道 koh 落南），除去 Méhikò 人（墨西哥人）lóng 天主教徒 khah tsē 以外，唐人 teh 拜 Iaso͘ ê khah 無 hiah tsē，hit tah mā tú 好 lóng 講白話（廣府話）、越南話 khah tsē，人富 ê、sàn ê lóng 有，m̄ tsai in sī 因為 m̄ 信 Iaso͘ 所以事業 khah bē 旺，ahsī 後 pái in mā 会 thàn 大錢徙 ùi 東 kue̍h、信 Iaso͘ 送 gínná 読醫生！２００５年 tī 唐人街起一間天后宮，sī ＬＡ唐人及越南人 ê 一 ê 文化中心，頭前廟名寫做三 ê 語言，有漢語 ê「天后宮」、越南語 ê「Chuà Bà Thiên Hậu」ahkah Ing 語 ê「Thien Hau Temple」。

Siōng 尾來講一層趣味 koh 心酸 ê tāitsì。番有一 ê 朋友 tuà San Gabriel 河谷西 kue̍h 北 pîng 倚山 kha ê 所在，in tau sī 中国舊滿州長春人，tuà ＬＡ已經 beh 二十冬 ah。Tsit ê 朋友 tsûn 年轉去長春 tshuā bó͘，舊年生 tsabó͘kiáⁿ，人変 khah tiām，piàⁿsè 食頭路飼 bó͘kiáⁿ。In lóng 無信 Iaso͘ 、無 teh 参加聚会。番 kā hit ê 朋友講 sńg 笑，「Ah lín tau，華人 tuà tsit tah suah 無 teh 信 Iaso͘ 参加聚会，外口 sī beh ántsuáⁿ 及人熟 sāi？」Hit ê 朋友無笑，應講，「無 lah，tsit 暫 á 有 teh 考慮 beh 参加教会 lah。」先 mài 講 símmih 妥当無妥当，ùi 基督教会 ê 角度來看，人 nā beh 去教会交朋友、及人熟 sāi，huānsè mā 無 saⁿh 特別無好。

暗生番酌斟看人「性」심밓（símmih）

2008-09-13T16:46:00.001+08:00

普通時番無 teh tshap símmih 正貨 ah 假貨 ê tāitsì。Símmih 正版、正牌、símmih 原裝進口 ê，番 lóng 無 teh 計較，假貨 ná 買 ná oló。不二過，講着 tsabó͘ 人正 ah 假，he tō 透底無 siâng，伊 nā 出世 m̄ sī tsabó͘ 嬰，taⁿ tō mài 講伊 sī tsabó͘ 人。伊 nā 出世 kah 一 ki lāntsiáu'á，tsit 世人番 to beh kā 伊準做 sī tsapo͘ 人対待。M̄ koh 世間事哪有 hiah 簡単 ê？偏偏有 tsapo͘ ê beh tshīng tsabó͘ 人 ê 衫、kik tsabó͘ 人行，儉錢動手術、食 ho͘lúbóng 硬変成半阴阳 á，隔轉工 koh 粧 súisúi、hâ té 裙、踏 kuân 屐出去外口 kā tsapo͘ 人使目尾。半句話 tō sī「tòtuaⁿ」！

Lán 実在 ài 尊重別人，hō͘ in 做 in 去做 in 心內 beh 做 ê tāitsì。M̄ koh 番 uânná m̄ 甘無張無持去 kā 一 ê 阴阳人当做 sī tsabó͘ 人。所以，下 kha 簡単分拆一寡 tsabó͘ 人及阴阳人中間 ê 種差，請汝放心，tsiah'ê 規則 tī 仙都 Krūngthe̍p（กรูงเทพ、Bāngkok）逐 ê lóng tsai ê，絕対 m̄ sī 番家己一 ê 一点一滴、一錯再錯 ùi 番 ê 生活經驗 tsek 出來 ê！

一，Tsabó͘ 人絕対 bē 生咙喉 tsing！

二，Tsabó͘ 人 khah bē 発 tshùi 鬚，khah 講 mā bē 発 kah 烏 ām 烏 ām ê。

三，Tsabó͘ 人 kítsáiⁿ phīng 第四 tsáiⁿ khah 長，tsapo͘ 人顛倒反，普通時 kám 会有例外番 tō m̄ tsai。（M̄ koh 番認為 tsit ê 規則 siōng 要紧，因為 tsáiⁿ'á 長 ah té sī 無 tè 動手術 ê。）

四，Tsabó͘ 人 ê 声，女高音女下音 símmih lóng 有，m̄ koh 半阴阳人本成 lóng tsapo͘ ê，哪 kik 女高音会着，所以，声 nā 真細膩 ê tō 應該 sī tsabó͘ ê 無 m̄ 着。

五，Tsabó͘ 人 beh 粧 kah juā 厚 ah juā 薄 lóng 由在伊決定，m̄ koh 阴阳 á 人透早 thàng 暗 lóngmā 着粧 kah 厚厚 ê，ánne 龜 kha m̄ tsiah bē sôsô 出來，因為 tsabó͘ 人 ê 面本身 tō hâm tsapo͘ 人無 kâng。

六，Tsabó͘ 人普通時肌 bah khah bē hiah 勇，無論 sán ê ahsī 肥 ê，in ê 手骨、kha 腿 ê 肌 bah lóng khah bē 勇 khiànkhiàn、tīng khokkhok ê。後 pái tī Krūngthe̍p 坐捷運会 sái 小注意一下、ioh 看 māi。Tó 一 ê sī 健美小姐 tiāⁿtiāⁿ phah 球、走運動楼，tó 一 ê sī teh 食 ho͘lúmóng、tiah 假 ni？

七，Tsabó͘ 人普通時生做 khah 矮，尤其 tī lán Asià 東南 pîng，lòkha ê 無 tsē，lòkha koh súi ê mā lóng khah 無 beh tshap 人，lán nā 羅漢 kha 無家無甲來 kàu Krūngthe̍p sūi tng 着一 ê lòkha koh súi ê beh kā lán tshap，兄弟 lán ài 先 kā 伊 ê kítsáiⁿ、第四 tsáiⁿ 小瞭一下看 tó 一 ki khah 長 m̄ tsiah thang 好放心。

総講一句，阴阳 á 人有影 kā guán/lán 普通 ê tsapo͘ 人帶小衰，in 專工 kik kah hō͘ guán/lán tú 着正七 á mā 一時 á m̄ 敢講 he m̄ sī 一 ê khiàng 阴阳 á 假七 á beh kā 人 pheⁿ。M̄ koh 番 teh 想，tī tsin mā 有好空 ê thang ba̍uh。Tsiah tsē 県市 tsapo͘ 人 siuⁿ tsē，tshiapiàⁿ piàⁿ bē 得 tháu，taⁿ hiah'ê 阴阳 á 人 ánne 退出，正 tsabó͘ 人 mā 無減少，顛倒正 tsapo͘ 人有変 khah 少淡薄 á，番 sī 無 tè 哀怨。

暗生番学国際衛生

2008-09-11T12:33:00.001+08:00

番細漢時（細番時！）lóng 用衛生紙 tshit khatshng，自細漢 tō ánne tshit 慣勢 ah。照番所 tsai，四边 ê 人衛生 ê 需要 mā lóng ánne 處理 ê。聽序大人講 Huili̍ppin 人無用衛生紙，直接伸手落去處理，序大人 tshitshi tshuhtshuh sio 報講 tī Tâi 北有楼 átshù 電梯內 ê「ji̍h'á」lóng khihhō͘ Huili̍ppin 人糊 kah 全 lóng 屎！Tháiko kah 有夠 kah... 有影無影番 tō m̄ 敢講。

Lán 美麗島島內 the̍h 衛生紙 tshit khatshng tsit ê 習慣，m̄ tsai sī ùi hôlân 人、hōló 人時代 tsìn 前 tō 已經有 ê，ahsī ùi hit tsūn 開始 ê，ahsī ùi 日本時代、中国時代 khah 有 ê，m̄ koh 番発現 lán Tâi'uân 人生活 ê 習慣 tiāⁿtiāⁿ tuè Ingló 人（英佬人）tuè kah kài tiâu。Tú 好 Tâi'uân 人及 Ingló 人 lóng 屬 tī「紙族」ê，m̄ koh tī tsia sī teh 講漢化 ê Tâi'uân 人，原住民本底 ê 習慣番 tō m̄ tsai lah，等読者有閒來補充。

番走去 Hui 洲做穡 ê 時，工廠內有幾 nā ê Huili̍ppin 人 teh 管 hiah'ê 生產綫。番問頭家 Huili̍ppin hiahni̍h 遠，koh 頭家本身 mā m̄ sī Huili̍ppin 人，sī ántsuáⁿ 管綫 ê lóng 着倩 Huili̍ppin 人？頭家講，唐山人 mā 会暁管綫無 m̄ 着，m̄ koh 唐山人 nā 徙去 kàu Hui 洲 tō 完全鴨 á 聽雷 koh 無 saⁿh 会敢 hâm「番 á」交臿，生活逐項 m̄ tsiah 拜託頭家來 kā in tàu hua̍tlo̍h。所以倩唐山人加 khah 費気，倩 Huili̍ppin 人 khah 簡単。頭家 ê tsabó͘kiáⁿ hit tsūn tī hia teh 做総經理。伊 kā 番講，Huili̍ppin 人放屎放了無 teh 用衛生紙，kanna 用水洗。誠実 guán 便所內 lóng 有塑膠水桶 tshāi tī 屎桶边 á。聽人講用水洗 phīng the̍h 紙來 tshit khah 衛生。番想 bē 暁 tō 無 koh 想 ah。

Tsit 暫 á 來 kàu 暹羅（泰国）及 Málâi'iá，看 in ê 便所 tō tsai'iáⁿ tsia 人 mā 真 tsē lóng 無用衛生紙，用水 tshiâng khatshng ê，普通時 tī 壁內安裝水管、水鎗，kā la̍k tiâu、tshi̍h 落去 tō sī。甚至有 tang 時 á 客棧便所內無提供衛生紙，番 tsiah 來感覚，bēsái koh tshiân ahlah，tsún 講用水來 tshiâng 誠実衛生 koh 儉錢，tsit pái 番 tō beh 來 kā 試看会用得 bē。

Taⁿ tsitmá 番感覚，清気 sī 有影清気 lah，m̄ koh khatshng 不時 kā ak kah tâm loklok ê，ánne kám 好？聽講日本、高麗 hia tshiâng 水 ê 設備 khah 先進，会 tàng kā 汝 tshiâng 水 koh 会 tàng kā 汝 siàn hō͘ ta。

Koh 有，taⁿ tsitmá 開始瞭解 sī ántsuáⁿ 人講 kanna the̍h 衛生紙 tshit khatshng 其実無 kài 衛生。所以 m̄ tsai 後 pái lán 美麗島島內 sī m̄ sī 應該 tuè 着日本、高麗、Huili̍ppin ê 時行，改善 lán ê 衛生習慣。

暗生番騎오더빼（o͘tóbái）

2008-09-05T15:31:00.001+08:00

Bat 問 Tâi'uân 及越南 ê 朋友 in 騎 o͘tóbái sī ántsuáⁿ 学会暁騎 ê。In m̄ lóng 感覚問了龜怪，逐 ê m̄ lóng 自來 tō 会暁騎 ê？

暗生番 sī 金山 gínná，自少年駛四 lián ê，m̄ bat 騎 o͘tóbái。有 lah，kanna 一 pái nāniā。三不五時真懷疑，bē 暁騎 o͘tóbái，暗番 beh ántsuáⁿ 做？Tsit 禮拜 m̄ tsiah 來 kàu Thài 国 ê 庄 kha 租車家己練習，発現暗生番 mā m̄ sī bē 暁騎 o͘tóbái，kanna 經驗 khah 欠 nāniā，真歓喜，四界走闖暢暢暢。第三工 tī 路边滑一倒，車掛人 kui ê siàng tī 塗 kha，佳哉無 tāitsì，衫褲 kài 勇 lóng 無破。Taⁿ tsitmá tsiah 瞭解，騎 o͘tóbái siōng 要緊 tō sī ài 驚，第二要緊 tō sī ài 敢，m̄ tsai ánne 講有着無？

운추頭家에자뽀朋友（Gún chù 頭家 ê cabó͘ 朋友）

2008-05-24T10:35:00.006+08:00

暗生番 tī Bí 洲 ê latin kho͘'á 已經 se̍h ùi bē 少所在。外口 ê 人 in lóng 叫我「秦 á」（chino）。M̄ koh tī Panamá khah 無 kâng，tī cia 人 khah ài 喝我「鄉親」（paisano）。Ce sī 因為 lán 人（黃 bah 人）tī cit ê 城市有真特別 ê 角色。

Gún chù 頭家 sī Ò 洲 Ingló 人，三十五歲 khatau，兩冬前來 kàu Panamá。當初我 kā 伊講我想 beh chuē 海運 hit 方面 ê 頭路，tuà Panamá ahsī tuà Asià lóng 甘願。伊講伊 bat 一 ê Tâi'uân 人 tī cia teh 做進出口 singlí ê，講無定着会 tàng 介紹 hō͘ 我熟 sāi。M̄ koh 伊講 in 兩人無 kài 好朋友，因為 hit ê Tâi'uân 人想 beh phāⁿ 伊 ê 七 á。

過幾 nā 工，頭 pái 見着 chù 頭家 ê 女朋友。逐 ê 五 ê 人出去 chitthô。Chù 頭家伊 ê 女朋友 sī 在地 cabó͘ gínná，二十二歲，ham 伊 ê mamah 及伊 ê 細漢囝等等幾 nā ê 人 tuà tī 都会 siōng 內山一角勢。伊 cai'iáⁿ 我 sī Tâi'uân 人，伊 tō 問我，「汝講官話（mandarín），tio̍h 無？」我講，「Tio̍h，会暁講，ah Tâi'uân 話、廣府話 mā 会暁講。」伊問我 kám sī 廣府人。我 kā 伊講 gún tau 序大人 sī 浙江、上海 hit tah ê 人。我感覚伊対唐山文化 ê tāicì 真趣味，我 tō 問伊伊 kám 有唐山血統？伊講伊無，m̄ koh 伊 ê 囝有唐山血統一半 pîng。Gínná ê papah sī 客人。伊 bat ham 前男朋友及「take 官」做伙 tuà 四冬，ah 男朋友 in tau lóng iáukoh 真 thīn Asià ê 傳統，所以 cit'ê 姑娘 mā kài bat 客家文化。

來 kàu Panamá 有一項 tāicì hō͘ 我真驚疑。錢 in kā 叫做 sī 「chen chen」，tō sī 客話 ê 「錢錢」。第二工，chù 頭家 ê 女朋友講錢無夠 ah，tī 車頂細声問 chù 頭家 kám 会駛 seh 一條錢 hō͘ 伊，chù 頭家講 bē 駛，伊 tō 変面，車頂 ê 気氛 cuâⁿ'á àu 去 ah。

隔轉工 koh kui 陣人出去外口。Cit pái 人 koh jú cē，包括 chù 頭家 ê cabó͘ 朋友 ê 兩 ê 自細漢熟 sāi ê 朋友，capo͘ ê。逐 ê 講東講西、lim 酒食薰。姑娘 ê 朋友問我 kám 会暁講官話、廣府話、客話。我 mā 問 in kám 会暁講。生做 khah 烏 ê hit ê 伊講伊会暁淡蓴 á 廣府話，m̄ koh 基本上 kanna 会暁肏姦撟 hit 款 ê。結果発現伊 sī teh 顧謙，bē 輸 ùi 東南 Á 人学 ê leh。伊所 cai'iáⁿ m̄ niâ 肏姦撟，koh 有「靚女」、「靚仔」等等，koh 有真 cē 北京話，koh 有真 cē 客話，語詞一 ê suà 一 ê，講 bē suah。Ná 像客話 siōngkài cē，m̄ koh 我 lóng bē 暁。我驚伊会去想講客話無路用，我 tō kā in 講客話 tī 某一寡所在真 cē 人講，可惜我個人 bē 暁。

Suà leh in koh 唱一條華語歌，我聽了霧 sàsà，m̄ koh hit ê 曲我 ná 聽過 ná m̄ bat 聽過。In 用 epanniâ 語（西語）kā 我解說 hit 條歌 sī teh 講対面有一 ê cabó͘ gínná ùi cia 看來，ùi cia 看來... 我 ciah 覚悟原來 in teh 唱 hit 條「対面的女孩看過來，看過來，看過來...」

我真好玄，in ná 会 caibat ciah cē 唐山界 ê 物件？原來 bah 皮 khah 烏 hit ê 伊有廣府公。伊姓「Fung」，tō sī 馮。廣府人姓馮不止 á cē。另外 hit ê 朋友，伊生做假 ná 白人，我 ná 像聽 chù 頭家 ê cabó͘ 朋友講 hit ê 白人伊 ê 外公 sī 唐山人，姓「Sing」，m̄ koh 我聽無清楚，epanniâ 語 koh 講了無 saⁿh 好，hit cūn koh 已經 lim kui 手 bìluh koh 有伸，無心斟酌。

我暗生番自細漢（自細番！）tuà 烏人、白人 chù 边 tau，來 kàu Kalibe 海 kîⁿ 本底 tō bē 生份，ah 來 kàu Panamá 実在特別心適，因為 tī cia，lán 人 teh 泅主流已經有百外冬 ê 日子。倒 píng sī hiah'ê Au 北人及 Ingló 人 kha tata 坐 tiàm 溪边，像 gún chù 頭家。來 kàu cia，in uânná 掠做 in ê 文化佔第一等，伸 ê lóng 第二等、第三等 ánne kō 落 kiā。He sī in tau ê tāicì lah。Gún chù 頭家，i ê cabó͘ 朋友目 ciu 大大蕊 ê，人 koh 真熱情，我瞭解伊 ná 会驚女朋友 khihhông 偷牽去。自从伊 kā 我講 hit ê Tâi'uân 人想 beh phāⁿ 伊 ê 女朋友了後，我目 ciu 瞌 leh tō 看着伊 ê 七 á khihhông 偷牽，無想 beh koh 看着 mā 無 khahcua̍h，想像 kah siuⁿ tiâu。

Ca 昏問 chù 頭家伊 kám 会駛介紹 hit ê Tâi'uân singlí 人 hō͘ 我熟 sāi。伊講 hit ê singlí 人 tú 轉去 Tâi'uân 無兩三工，兩個月後 ciah 会轉來。

Citmá 我瞭解 sī áncuáⁿ 我 tī cia teh se̍h 海 se̍h 內 ê 時，外口 ê 人 in lóng 叫我鄉親。

Panamá ê 唐人

2008-05-18T03:14:00.001+08:00

以早聽講 Panamá cit ê 城市（城市及国家 kāng 名）人口 ê 血統內底有十 pha sī 唐山血統。He m̄ sī 講 Panamá 十 pha lóng 唐人，意思 sī 講，有一部份 ê 人血管內有唐山血統，ah ciah'ê 人佔 Panamá 超過十 pha ê 人口。當然，mā 有一部份 ê 人 sī 百分之百 ê 唐人。

來 kàu Panamá 発現 cit ê 十 pha ê 講法 huānsè 有 iáⁿ。「純」唐人 tī Panamá 本身已經 bē 少，huānsè 有三 pha kàukah 五 pha 中間。我目前所 tú tio̍h ê lóng sī 廣府人（廣州 hit tah ê 人）ahsī 廣東台山 hit tah ê 四邑人。Ciah'ê 唐人開店、開餐庁 siōngkài 会暁，全城市 ê 便利店大部份 lóng 由 ciah'ê 唐人 teh huāⁿ ê。Gún chù 頭家，Ò 洲 ê 紅毛，伊講伊 nā 行入去一間便利店無看着唐人 teh huāⁿ，伊 tō 驚一 tiô，m̄ cai sī áncuáⁿ sī m̄！

除去 ciah'ê 正実 ê 唐人以外，iáukoh 有真 cē 人，in sī latin 人無 m̄ tio̍h，m̄ koh in 有一 ê 唐山公 ahsī 一 ê 唐山 má。Cit 種人到底有 joā cē，kiámchái 無人 cai'iáⁿ！我 teh 想，ciah'ê bat 有唐山公、唐山 má ê 在地人無定 phīng hiah'ê 正実 ê 純唐山人 kohkhah cē。Kanna 看在水看 bē 出。Ce 有一部份 sī 因為 cit tah 真 cē 人 mā 有 Bí 洲（原住民）血統，ah Bí 洲人本底 tō 生做及黃 bah 種人 beh siâng beh siâng ê。Ài 問 ciah 会 cai'iáⁿ。

幾 nā 工前有一 ê Panamá 人問我我 sī tó 位人。我講 Tâi'uân。Cit ê 人伊講，「Tâi'uân 人講 mandarín tio̍h m̄？」我 kā 伊解說講華語 tī Tâi'uân sī 官方 ê 語言 nāniā，m̄ koh 除去正式 ê 情形以外，真 cē 人 teh 講「Tâi'uân 話」及客語，尤其 Tâi'uân 話 siōng 重要，sī 大部份 ê 人 ê 母語。M̄ koh 一下講 tio̍h 客話，伊 ê 目 ciu tō 轉金。伊講伊 ê papah sī 客人，会暁講客話。我本來 mā sī 無張無持，suà leh 斟酌 kā 看 ciah 看 tio̍h 其実伊 mā 生做略 á A 洲款。

Panamá khah 早有唐人区，citmá 已經無 ah：citmá 唐人 tī Panamá lóng 四散 ah，看款已經及四边 ê latin 化 ê 人牽 kah kài bā。（無 chan 像 Bí 洲真 cē 所在！）頂 kuân 相片內 hit 道門 teh 紀念 khah 早 ê 唐人区，sī 一九九七年李登輝代表「中華民国」送 hō͘ Panamá 人 ê，頂 kuân 寫「敦睦邦誼」。門後壁 hit 間 chù 起 kah 完全 sī 唐山样，的確 sī 唐人 teh tuà ê。M̄ koh hit tah 唐人已經無 cē。

Panamá ê 唐人哪会 ciah cē？Siōng 早來 cia ê 唐人 sī 百外冬前來 cia tàu ó͘ hit ê 運河 beh 趁錢 ê。了後做各種 singlí 討食。百外冬前 hit ê 時代來 Bí 洲 ê 唐人 bē 少。南 Bí 洲北岸 Gai'ana（Guyana）及 Surinam hit tah mā 有真 cē，kàu taⁿ iáu tīleh，大部份 lóng 客人。Kalibe 海 khah 細粒 ê 島嶼 kàisîng mā 有幾 nā ê 島頂 kuân 客人 kài cē。

暗生番 kā 汝介紹ＬＡ（一）：ＬＡ ê 名

2008-05-13T23:17:00.001+08:00

ＬＡ會駛講 sī hōló 社会所 siōngkài bat ê 一 ê Bí 洲城市，mā sī kui ê Bí 洲 hōló 人 siōngkài cē ê 一 tah。M̄ koh 大部份 ê 人 iáu suah kanna cai'iáⁿ ＬＡ ê 兩、三方面，譬喻講ＬＡ tī Ka 州，有真 cē 人駛好車、tuà 好 chù，ah 及伊 ê 電影界 sī 全世界 siōngkài 旺 ê。不二過，ah 未去 kàu ＬＡ kā se̍h 透透 ê 朋友 beh ancuáⁿ 真正瞭解 cit ê 不止 á 大 pha ê 城市？Tī cia 暗生番 beh 透過 cit ê 網誌來 kā lín 介紹 hō͘ 真，siōng 無 mā sī beh kā lín 介紹 kah 半真半眠梦。

Tāi 先，番 beh 來解說ＬＡ cit ê 名 sī ancuáⁿ 來発明 ê。十八世紀，Epannia（西班牙／España）人 ùi Méhikò（墨西哥／México）中部上北去 kàu Ka 州 ê 「頂港」所在（Epannia 語号做 Alta California，南 pîng koh 有「下港」ê Baja California）。Hit cūn Ka 州已經 sī Epannia 殖民地 Méhikò ê 一部份，m̄ koh Epannia 人 ah 未確実 tī hia 設政権。十八世紀 Epannia 人去 kàu hia tō 開始設「傳道楼」（misiones），sī Epannia 政権 tī Ka 州 ê 宗教、行政、經済中心，終其尾 tī 頂港設立二十一間，包括聖 Gabriel 山谷 ê 聖 Gabriel 傳道楼（Misión San Gabriel）及聖 Fernando 山谷 ê 聖 Fernando 傳道楼（Misión San Fernando）。Taⁿ cit 兩 ê lóng tiàmtī ＬＡ県內面。

一七八一年，Epannia 人 tī 現此時ＬＡ市中心 hia 設一 ê 号做 El Pueblo de Nuestra Señora la Reina de los Ángeles de Porciúncula ê 鄉社，hit ê 名意思 sī「lán 娘 á，Porsiúnkula 众天使 ê 皇后，ê 鄉社」。喝 khah 簡単 tō 変做 Los Ángeles（天使社），用 hōló 文 lômá 字來寫會駛寫做 Lo͘-sáng-hē-lès。Los Ángeles tō sī ＬＡ現此時 ê Epannia 語名。

Ùi 十九世紀開始，尤其 tī 花旗政府佔領頂港 Ka 州了後，英佬人 tō 開始 ùi 東 pîng 來徙入 Ka 州。Kàukah 二十世紀，ＬＡ已經加減英佬化 ah。英佬人 in mā 照 Los Ángeles cit ê 名來稱呼ＬＡ，m̄ koh in 直接用英語 kā 読做 Lo͘-sán-ciō-lòs，he tō sī ＬＡ現此時 ê 英語名。M̄ koh 普通時 nā 講英語 ê 時 lóng kā 号做ＬＡ。

華文 ê「洛衫磯」sī 按照英語 ê Lo͘-sán-ciō-lòs kā 読做上海話 ahsī 北京話 koh 寫落來 ê。ＬＡ在地 ê hōló 人 tiāⁿtiāⁿ koh 按照漢字 ê hōló 音 kā 読做 Lo̍ksanki，he 已經及原底 ê Lo͘-sáng-hē-lès ahsī Lo͘-sán-ciō-lòs 差 kah 遠遠遠。M̄ koh khah cia̍p 聽人 kā 喝做「Ēlô'ē」（ＬＡ）。不時 mā 会看着人 kā ＬＡ ê 名寫做「羅省」，m̄ koh 番 m̄ bat 聽人 ánne 講出 chùi。

Lán ê 品牌 sī lán ê 文化產品

2008-04-04T10:46:00.000+08:00

一 ê toà Ēlô'ē「青叢」hit tah（Bí 洲 Los Ángeles，Palos Verdes）ê senglí 人今 táⁿ 日 kā 我講伊 ê 観察：

我頂禮拜去日本 siōng 大 ê 感想 tō sī tī 銀座差不多所有 ê 名牌 lóng sī Au Bí ê 品牌。一 ê 女工作一個月 ê 空課可能 kanna 會 tàng tī 銀座 ê 高級店買一領衫。莫怪 Au Bí ê 人無 saⁿh 作工 mā 會 tàng 有 koân ê 生活水準。

Soà 落去伊 koh kā 我講一段故事：

一冬前我 choā Tâi'oân ê 朋友去拜訪一 ê toà San Gabriel 做車燈 ê 人客。我去 kàu hia ciah cai'iáⁿ cit ê 頭家差不多三十歳，伊講伊 sī 六歲 ān Tâi'oân 來 ê 中国人，看起來小可 á FOB。伊講伊 lóng 賣 Philips 牌 ê 車燈，m̄ koh nā sī 伊家己賣，無人相信伊賣 ê sī 正牌 ê，所以伊倩一 ê 白人做 chui 銷，人客 khah 會相信伊賣 ê sī 正港 ê Philips。

＊　「ＦＯＢ」 sī eng 語，意思基本上 to̍h sī chím ùi Au、Bí ahsī Ò 洲以外 ê 「化外之地」徙過 ê「亞客」。

Cit 款 tāicì tī Ēlô'ē，逐工 teh 発生。Lán beh áncoáⁿ？暗生番 kā 汝掛保証，hiah'ê 惡質 ê pháiⁿ 人客 mā 真 cē lóng 黃 bah 皮 ê！

Taⁿ siōng thàn 錢 to̍h sī hoāⁿ 品牌 ê 人。品牌 ài hoāⁿ hō͘ 在，利純 ciah la̍k 會 tiâu。Koh 來，普通時物 á nā jú 貴，利純 to̍h jú koân。

Taⁿ 無論衫 ahsī 車 ahsī 電子用品 ahsī sím 乜大學 siōngkài 好，nā beh 話 khah 高級 ê 產品，除去幾 nā 種日本品牌以外，大部份品牌 lóng 白人 teh hoāⁿ、白人 teh thàn。Lán 家己人見 nā beh 展寶 ê 時 mā lóng kā 紅毛 ê 捧場 khah cē。

Cit 款現象 hâm lán 人崇拜 Au Bí 文化 ê 情形，絕對 m̄ sī 無 tītāi ê。Lán ài hoāⁿ lán ê 品牌、直直創 lán ê koân 價品牌，後 pái lán ciah 會有 jú cē 利純 thang khioh。利純 nā khioh jú cē，lán to̍h 會 júkhah 富裕，ah lán nā júkhah 富裕，lán 文化 ê 地位 to̍h 會 júkhah koân 起去。M̄ koh cit 尾蛇無尾，兩頭 lóng chùi。品牌本底 to̍h sī 文化產品，bē 輸電影及歌芸。

Lán ê 品牌 nā beh 顧 hō͘ 好勢，第先 ài 看 lán 對 lán 家己 ê 文化及 lán ê 文化產品 kám 有信心，ài 看 lán tang 時 ciah 悟着，進口 ê 物 á 無一定並 lán 家己 senglí 人 teh 製造 ê 物 á kohkhah 好，ah 進口 ê 文化 the̍h 來當做 sī lán ê，路尾 mā sī 無 khahcoa̍h，khah 講 mā sī 三更半暝走去別間 chù 了 lán ê 錢、tàu hoāⁿ 別人 ê 品牌，翻頭 koh 講 sī 姑不二將 ê lah。

Lán ê senglí 人 beh áncoáⁿ 來 hoāⁿ lán ê 品牌，he m̄ niâ senglí 界 ê tāicì，並且 sī 文化界 ê tāicì。Lán ê senglí 人 beh áncoáⁿ 來 hoāⁿ lán ê 品牌，he m̄ niâ 看 lán ê senglí 人 ê 功勞，he mā 着 ài 靠 lán 逐 ê 人來 kā in 捧場。

人講閩南語 sị 古早漢語，he kám 有 iánn？

2008-03-27T04:34:00.002+08:00

Lán họ 佬話 Wiki 寫講閩南語 sị「漢語閩方言 cit 欉大樹欉 ẻ 一 ki 樹 oe」。TaiLingua eng 語網站 kạ 人介紹 họ 佬話，頭一句話 tọh 講，「台湾話 sị 台湾三分之二 ẻ 人 teh 講 ẻ 一種漢語言。」翻譯 sị ánne 翻 ẻ，ṃ koh 伊本底無 kạ 講做「漢語言」，翻 khah 頂真 leh，伊 kạ 講做 sị「支那語言」、「秦語言」ẻ 一種。Mài 講紅毛 ẻ ṃ bat tạicì。想看 mại，lán 逐 ẻ 人普遍 lóngmạ 掠做 họ 佬話 sị 一種 kài 古早 ẻ 中国話，甚至有人講北京話 sị 北 pẻng 番 á ẻ 話，ah họ 佬話 ciah sị 真正 ẻ 中国話。Ánne kám 真？

參考：www.tailingua.com （其実 cit ẻ 網站加真 cán）

閩南語本底 sị 番 á 話漢化千外冬 ẻ 產品

其実，hit 種講法無合事実。秦、漢語及唐語 sị họ 佬話內底一部份 nạ 定。古早古早，閩南 hit tah lóng 番 á，秦漢人無 goạ cẹ。Hiah'ẻ 番 á tọh sị họ 佬人及客人 ẻ 祖公 ẻ 主流。In 世世代代暫暫接受漢文化 ẻ 影響，甚至學漢語、号漢名，不時 koh 有漢移民 ùi 北 pẻng 落南，去 kàu 閩南 tòa 在地人中間企（khiạ）起。Ce tọh sị 閩南及廣東、越南 ciah'ẻ 所在漢化 ẻ 故事。Cit 百外年以來，koh 有中国及日本 è 媒体及官方教育 teh 引 choạ họ 佬人継続漢化起去。

閩南人抑未透底漢化 ẻ，kàu tann iáukoh 有

純番 á tị 閩南 iáu 有。Címmá khah 無 teh 講人 sị 番 á，lóng khah ài 講 in sị 少数民族。閩南 iáu 有畲人 sị 少数民族。畲人 tòa 內山所在，講 ẻ 語言 sị 客話。四五百冬前，hit cụn in 人 iáu 真 cẹ，in 無 beh 接受漢人 kạ in 統治，in tọh 起義、反抗，結果中囯派兵 á kạ in càm kah kài 悽慘，he sị 畲人尾 pái 起義、反抗，了後 in tọh 轉做 sị 中国番 á ah，甚至継続漢化，ùi 畲人変做漢人、華人、客人，進一步去 kàu 南海、東洋、西洋 teh 討食、企起。Cit 段歷史 lòlò 長，汝 nạ 有趣味 koh 會曉読華語，我見議汝會駛家己 liảu 落去読，ṃ koh 資料 khah pháinn chọe 無 ṃ 着，kiámchái ài 去 kàu 大間研究所圖书館 ciah chọe 會着。

語言歷史加真 lỏ，到底 họ 佬話 tó 一部份 sị 秦語、tó 一部份 sị khah 早 ẻ 閩南語言、tó 一部份 àn 別位來 ẻ，有 tang 時 á 実在分 lóng bẹ 清。重点 tọh sị 講，kàu tann tị 亞洲東南 péng iáukoh 有 họ 佬話 cit 種美麗 ẻ 語言，雖然受着漢語 è 影響不止 á 重，ṃ koh 究真 ṃ sị ùi 古早漢語演変出來 ẻ。無 lán 哪着 khiú ciah cẹ lỏmá 字 ciah 會 tàng 寫出正統 ẻ họ 佬話？無 lán hiah ẻ kanna 會曉読華語抑 sị 廣府話 ẻ 朋友 nạ beh 読 ce kám 看有？

所以，旣然閩南語 ṃ sị 漢語、支那語、秦語、唐語，到底 beh áncoánn 介紹、解說 lán 人話 ciah 合事実 koh hợ 人會 tàng 瞭解？無 lán 等 leh mạ 落手來 kạ 試看 mại。

L.A. Beverly Hills soánphiò ìn chò sianggí, ū englólâng bē sóng

2007-02-25T02:45:00.001+08:00

Kionghí sin chhun.

Goá ū chi̍t chān chhùbī ê sinbûn beh hunhióng chi̍t'ē. Enggí pòtō chhiáⁿ chhi̍h che: http://www.topix.net/content/trb/2808486733387392216702849625840587662571?threadid=JJNMH2TN7KMD48OR

L.A. hógia̍hkhu Beverly Hills chit pái ê chhīchènghú soánkí, in kià kàu chhībîn chhù nih ê soánphiò lóng ìn chò enggí kah farsi-gí sianggí, chhām hongbīn mā sianggí ê. (Chit chūn Beverly Hills ū chhaputto 1/5 ê chhībîn ēhiáu kóng farsi-gí.) Farsi-gí sī ēng alabi bûnjī teh siá ê. Kiatkó ū chhiaukoè saⁿpah ê chhībîn khà tiān'oē khònggī. Sīmchì ū chi̍t ūi lu̍t'su kóng, ánne kā ìn chò sianggí ē ū "[cho̍kkûn] hunlia̍t" ê hāukó.

Hit phiⁿ sinbûn khan tī chahng ê L.A. Sîpò thâu'ia̍h. Kāng ia̍h koh ū chi̍t phiⁿ sinbûn teh pò "Ilan uihia̍p" siōng sin ê 5-4-3.

Koh ū chi̍t phiⁿ editorial: http://www.latimes.com/news/printedition/asection/la-ed-ballots24feb24,1,6161866.story

Tâioân 人：chhōe 無便所

2007-02-05T14:57:00.002+08:00

今年頭 pái kàutè 閩南，toà hia 幾 nā 日。我 Tâioân 出世 ê，nā 有想 beh 放尿 ê 時 to̍h 問人：「借問一下，¿便所 tī tó 位？」無疑悟，大部份 ê 人 soah lóng 應講，「¿Hâⁿ？」

¿ 汝 teh 講 símmih 所在 ê 閩南語？

Tī 下門熟 sāi tio̍h 一 ê 二十外歲「外江」小姐，sī 浙江中部金華人，sī goán 阿公 ê 鄉親。我 kā 伊講 gún tau sī 蔣介石時代 ùi 上海徙 Tâioân ê，無論序大、序細 lóng 無幾 ê 人講 hōló 話講了會 liàn 轉。伊講，「Ánne ho͘ⁿh，莫怪汝講了無標準。」Koh 來伊 teh kā 我解說下門、泉州、漳州及 Tâioân 四 ê 所在 hōló 話 ê 種差。我講，「汝 sī 金華人 neh，閩南語 ê 腔口汝哪 lóng 聽 tio̍h hiah 準？」伊講無 lah，in tī 浙江中部 mā 有一 koá 所在有真 chē 人 teh 講閩南語，sī in 祖傳 ê 語言，in pē hit pêng ê 人 to̍h sī。

「Ánne？Ah 汝哪 lóng 無及我講閩南語？」

「不是，那個不... 不是啦。」

隔轉工去 kàu 泉州。Hit ê 所在 hō͘ 我想起 tio̍h khah 早 ê Tâioân。我熟 sāi tio̍h 一對開餐廳 ê 翁 bó͘，bó͘ sī 在地人，翁 sī 下門人。He 翁講伊 khah 早 teh 走車 ê。伊對無仝種 ê hōló 話 mā 加真熟 sāi。伊講，「有一 pái 我有熟 sāi 兩 ê Tâioân 高山族 ê，in 講話 hām 汝講了足 sêng。」M̄ koh，大部份 ê 人聽我講話 iáu 想無我 sī símmih 所在 ê 人，in nā 有 ioh in lóng ioh 廣東，無例外。

客人 toà 內山，「學佬人」toà 海口：我 teh 講海陸豐 lah

汕尾（Soàⁿboé）tī 香港及汕頭中央，sī 海豐地區 ê 海口。Hit 工 ùi 泉州坐車坐往深圳。駛車 ê 司機 hām 服務生小姐兩人泉州人，沿路 teh 開講。我無 teh 注意 mā sī 有注意 tio̍h hit ê 小姐，伊 mā 二十外，講 hōló 話講了 hiah 自然、hiah 自信、hiah 有感情。Che hō͘ 我想 tio̍h，hōló 話 ná 像無論 tī Tâi 北抑 sī 下門抑 sī 星加坡，永永 sī 少年 chabó͘ 人 khah 緊改講北京話，致使 hōló 話 ê 形象會變 júkhah 男性化．

Kàukah 汕尾，司機停倚高速公路 ê 邊 á hō͘ 我落車。Hit chūn chhím 暗頭 á。我坐計程 á ùi 高速公路下 kha 入汕尾市區，ài ùi 一對山崁駛過，有夠 súi to̍h tio̍h。網路頂寫了無 m̄ tio̍h，汕尾人講 ê 話－－「學佬話」－－基本上 sī 漳州話透濫一 koá 潮州話句。我 toà 汕尾 hit 兩工，発見 hām 汕尾人講 hōló 話，甚至比 hām 泉州人講 hōló 話 khah 輕鬆淡薄 á，hoānsè sī 因為汕尾話 ê 声調及注流 tâi 語相仝．

Tio̍h lah，koh 有一点。我発見講汕尾人 khah bē pháiⁿsè hām 別位、別腔 ê 人講 hōló 話，無 chhan 像 Tâioân 人抑 sī 閩南人 ánne bē khap tio̍h to̍h kui 句北京話。

¿厠所喺邊度？

Hit 暗我行入一間網路庁，kui 間 lóng 十三歲少年 á teh 食薰。服務生小姐十 kho͘ kā 我 the̍h 去，kā 我講會 tàng 坐幾号電腦。我問伊，「便所 tī tó 落？」

伊 hàiⁿ 頭表示聽無。

「便所 tī tó 位？」

伊 oânná 聽無。真正 leh，便所 tio̍h sī 便所，kám koh 有別款講法？我則改講白話（廣東話）。

汕尾人白話 lóng 講了 kài chán，nā 有 tang 時 á hōló 話講 bē 通 to̍h 講白話 mā 會 sái。

¡Thōiwaan!

M̄ chai 汕尾 hit tah sī m̄ sī 腔口百百款，逐工 lóngmā 會聽 tio̍h 真生尺 ê？第二工則有人問我 sī tó 位人。我講，「Tâioân。」

「Hâⁿ？」

「Tâi-oân。」

「Hâⁿ？Símmih 所在？」

「台灣。我係台灣人。」（廣東話）　實在想 bē kàu。世間 khah 有人會曉講 hōló 話 soah m̄ bat 聽過 Tâioân chit ê 名？

便所 tī chit pêng

兩禮拜後，頭 pái 去 kàu 日本，ùi 東京 ê 一 ê 捷運站行出來則看 tio̍h「便所」兩字藏 tī 一 choā 平仮名內底。

暗生番の愛

2007-01-21T11:01:00.000+08:00

「Bueno. 」

「ỏe，阿狼？是 m̃ 是阿狼？」

我聽無清楚。「¡Bueno!」

「ỏe！請問阿狼有 tĩ leh 無？」中年婦人 lảng，講北京話 ẻ，有吳越腔。

「阿狼？」

「阿狼，是 m̃ 是汝？」

「汝 chhõe 阿狼？」

「hennh，tióh...」

「我 chia 阿 bat leh。」

「sannhmih？我聽無清楚。」

「我講我 chia 阿 bat，汝是 m̃ 是 khà m̃ tióh 号碼？」

hit 暝睏 kah 天 ah 未光我 tióh 開始 teh 眠梦，梦中看 tióh 木の実（Kinumi）。

木の実 tióh 是 chhõa 我來轉去日落山[1] ẻ hit ẻ mẽ'á。講 mẽ'á hoãnsè khah 無準，到底伊 hit chũn 已經有二十四、五歲，ah 我則二十。梦中伊 chhẽng 一領烏色 ẻ phòng 紗衫，看 tióh 並 éngpái 加 khah 雅氣，表情冷冰冰 ẻ，心情是 ánchoánn 我已經 khah bẽ chai’iánn。he 是 goán 相放 sak ẻ hit 工。天有淡薄 á 烏陰，chẽ 雲、無雨。伊講 beh 轉去 chhù，我講 beh 駛車 kã 載，伊講 m̃ 免 lah，講 in tau 企 hiahníh’á 遠，伊講 beh 坐計程 á。

計程 á 來，駛車 ẻ teh 聽一條二十五冬前 teh 時行 ẻ 節奏 á 藍調曲。hit 條歌号做「I’ll See You When I Get There」：我已經 teh 來，lán sũi 見面。我伸手 hoãnn chabólảng 上車，m̃ 甘伊走，koh 無心 kã 挽回。計程車是一台１９９４年 ẻ Chevrolet Caprice，khoannkhoann'á 駛離開現場。木の実窗 á 口 liàn hõ 開，講，「努力。祝福汝。」

木の実 bat 講 in tau 祖先 tĩ 鹹水[2]西 pẻng lóng tòa 曠野徙來徙去 teh 顧精牲 ẻ，莫怪伊衫 á 褲及日用品普通時 mã 是 khoán kah 齊 chánn á 齊 chánn ẻ，ài 走 sũi 走，m̃ 免 símmih khioh 東 khioh 西 ẻ。

眠梦 koh 來。我駛我 hit 台１９８６年 Chevy Camaro teh 翻山，是小山 nãliãnn。木の実 in tau tòa 山後壁 pẻng。goán 已經幾 nã 個月無見面。goản 坐 tòa 伊 ẻ 眠床頂，伊 théh 果子來 hõ 我塞 chhùi 空，等我 tang 時 beh 走。伊 théh 一寡相片 hõ 我看，是 in 朋友 tòa 海沙埔 hip ẻ。

我問伊，「總是，汝 lán hit 當時是 ánchoánn 哪會 hiah bã leh？」

伊講，「我想，是汝 lán 互相khah 無 kã 對方要求，ánlenn，hennh。」

我講 beh 來走 a。停 tòa chhù 頭前有一台文火色 ẻ Trans Am，８９年款 ẻ。我講 sńg 笑，問木の実伊哪抑未嫁好額 lảng，改駛 au 洲車。伊講伊抑未換車，m̃ koh 普通時有 au 洲車 thang 坐。

我上車，發 põng ianjín，翻頭、iát 手一下，油門 chhui leh，翻山來 chhõe 一條桥 thang 過海灣轉去日落港[3]。Sayonara！總有一工汝會 chai：男性並無辜負 tióh 汝 ẻ 愛。

[1] 日落山 = 舊金山地區。

[2] tĩ chia 是 teh 講太平洋。

[3] 日落港 = San Francisco。

星理：九曜所代表 ê 人

2001-02-27T19:08:00.000+08:00

日：老 pē、大人（頭家等等）
月：老母
火：兄弟姊妹（尤其弟妹）、公開 ê 怨仇人
水：朋友、tàu 合股 ê、叔伯姑舅姨
木：gínná、老師、兄姊
金：ang／bó͘、愛人、朋友
土：員工、暗 khàm ê 怨仇人、番人
Lahuh：外公嬤、番人
Ketuh：內公嬤

星理：十二間 hâm lán kah 别人 ê 関係來対照

2001-02-27T18:34:00.000+08:00

本番当 teh 學 Ìntō͘ 星理，以下 sī 十二間 hâm lán kah 别人 ê 関係 ê 対照表。

第幾間	範圍
第一間	自己
第二間	親情五十
第三間	兄弟姊妹（尤其弟、妹）、叔伯／表兄弟姊妹
第三間	厝边
第四間	老母 kah「祖公嬤」，尤其 sī 母系 ê
第五間	gínná
第五間	學生
第六間	姨、舅、叔、伯、姑（尤其姨、舅）
	敵人、kah lán 競爭 ê 人
	厝 nih 所飼 ê 動物
第七間	ang／bó͘
第七間	合股 ê
第八間	（kā lán 開刀、收稅 ê 人等等）
第九間	老 pē kā lán 開導引 choā ê
	kā lán 開導引 choā ê
	番 á
第十間	大人（政府、頭家等等 ... 老 pē？）
第十一間	朋友
第十一間	兄姊？
第十二間	（無采 lán ê 時間、錢 kah 气力 ê 人、暗 khàm ê 敵人、公益方面 ê 使者等等）

星理：九曜中間 ê 友仇関係表

2001-02-27T17:37:00.000+08:00

本番当 teh 學 Ìntō͘ 星理，以下 sī 九曜中間 ê「友、仇」関係。舉例：比論木星 ùi 月娘 hia 得着好意，m̄ koh 月娘無得着木星 ê 好意 ahsī pháiⁿ 意。

曜	友	中性	敵
日	月火木	水	金土
月	日水	金火木土	（無）
火	日月木	金土	水
水	日金	火木土	月
木	日月火	土	水金
金	水土	火木	日月
土	水金	木	日月火
Lahuh / Ketuh	Ce 無逐 ê lóng 同意 ê 講法。有一寡星理師認為 Lahuh ê 友、仇関係 kah 土星 sio kâng，ah Ketuh ê kah 火星 kâng。